كلمات اغنية رايح جاي للرابر المصري لجوكر بتتكلم عن بنت جميلة وعاقلة بس لسه بريئة وبتحكي عن ذكريات قديمة ومشاعر الوحدة والإبداع. الجوكر بيحكي عن حياته الفنية واختياراته وازاي الدنيا بتلعب بيه رايح جاي. كلمات اغنية رايح جاي بتعكس صراع داخلي بين الرغبة في الاستقرار والحرية وبتوضح تأثير الزمن على مشاعره وأفكاره.
كلمات اغنية رايح جاي الجوكر
حلّوة زيادة إنها تكون حقيقة
sure أميرة جوّه فيلم سيما
شمس البدر عارف دينه ليها
عاقلة وكبيرة بس لسه بضفيرة
وهتفضل زي أول مرة أشوفها فيها
مش ناسيها مع إنّي نساي
قولت دي طفلة دخّلوها الجامعة إزاي
ودي الصورة اللي في بالي
مهما عدى العمر بينا
لكن ساعتها ماكنتش أد المسؤلية
وعندي الوهم بتاع الوحدة والإبداع
فاختارت عيشة الحرية
جو متزوج من الفن وبتاع
الحياة رمت صنارة كلت الطعم
افتكرتها فيلم إثارة طلع رعب
كنت فاكر هشبع دنيا لكن جوعت
كإن روحي في بعد وأنا في بعد
وطول ما احنا في البعد
مالقيتش أي
شئ تاني يشجّعني أفضّله حي
مشيت والدنيا جابتني زي
مايكون المكتوبلي أبقى رايح جاي
أنا رايح جاي
من غير ما أكون قاصد
معاهم كلامي طلاسم
ومعاها جمجمتي شفافة
كل الأفكار اللي في راسي متشافة
وفي المحنة بتبقى قادرة تحلم
وتقولي الدنيا رحلة فك وهي تحلى
عكسي جاضض
حتى لو كله ظابط
أفكر في اللي جاي يقوم الخوف عليّا حاطط
متشائم ماشوفتش شوية
أحيانا تقدر وتهون عليّا
أحيانا تتكدر وتزود عليّا
فا ألم المرادي تمهيداً للجاية
روحي اللي كانت عاشقة براحها
شافتها قامت رايحة
من غير ما أنصحها
كإن الروح بتعرف اللي هيفرحها
قطعة puzzle ما بتركبش غير مطرحها
مالقيتش أي
شئ تاني يشجّعني أفضّله حي
مشيت والدنيا جابتني زي
مايكون المكتوبلي أبقى رايح جاي
أنا رايح جاي
كلمات اغنية فيلم هندي – الجوكر
اغنية رايح جاي – الجوكر
كلمات: الجوكر
الحان: أحمد إيهاب