قصيدة زينب بعيناك أداء الملا محمد بوجبارة بتعبر عن الوفاء والشجاعة في حماية الأمانة، وبتوصف مشاعر الحزن والفخر اللي بيحسها عباس وهو بيحمي زينب اللي وصاه عليها علي وقت المنيه. كلمات قصيدة زينب بعيناك بتعكس التضحية الكبيرة والالتزام بحماية الأهل والأحباء حتى لو كان الثمن غالي.
كلمات قصيدة زينب بعيناك محمد بوجبارة
يا رفعة الرّاس وشايل لوانه
زينب يعبّاس عندك امانه
بيها علي وصّاك وكت المنيه
حط زينب بعيناك بالغاضريه
عبّاس يبياض الوجه يا بعد الأنفاس
اركض اجيت وشلت بيدي معصّب الرّاس
بداعة حليبي لبت علي لا تنظر النّاس
زينب اهم من چفك وعينك يعبّاس
زينب تره مدلّلها حيدر من زغرها
محجّبه وحتّى الگاع ما شافت اثرها
عبّاس اريد من الهوه تحرس خدرها
صيرلها خادم بالدّرب واسمع امرها
بزينب اوصيك يعيوني الاثنين
وفّي الرّبه وياي يمّه الرّبه دين
اذكرني واحفظ زين هاي الوصيّه
حط زينب بعيناك بالغاضريه
روحك تقدّس فاطمه اني ادري بيها
بالزّهره احلفك يولدي عينك عليها
زينب ييمّه خايفه اسمع حچيها
تأمن اذا ايدك تخلّيها اعله اديها
زينب يخوها بالمهابه تشبه أمّها
اتوضه بدموعك إذا تلفظ اسمها
بعيونك ومو عالأرض انصب خيمها
يبني مثل ظلّها اريد تصير يمّها
گللها مخلوق انه اعله مودچ
وافدي وجودي يختي لوجودچ
من زغرك انسمّيك عين الزّچيه
حط زينب بعيناك بالغاضريه
عبّاس إذا مر العطش يم الحبيبه
گلها ابشري وانه اخوچ الكلّه هيبه
الماي إذا فوگ النّجم لخيامي اجيبه
لعينج اذبّحهم كتيبه يم كتيبه
عبّاس هوّس بالعلم بين الصّواوين
عبّاس عن زينب ابد لا تغمض العين
عبّاس يبني شيل راسي گبال الحسين
خلّي يگول ونعم منچ يم البنين
من يوصل الجود يم الشّريعة
لا تشرب الماي واذكر رضيعه
واذكر اسكينه هناك واذكر رقيّه
حط زينب بعيناك بالغاضريه
عالنّهر اترس جربتك يا بدر الأيّام
عبد الله من كثر العطش يومين ما نام
مو مهم لو فوگ الصّدر تتلگه السّهام
عندي المهم مايك يصل يم باب الخيام
مو مهم راسك يالولد ينصاب عامود
مو مهم توگف عالمهر ماعندك زنود
مو مهم شوفك ينطفي وبالسّهم ممرود
عندي الاهم يوصل حسينك سالم الجود
ميهمني عبّاس توگعله ذرعان
بس يروه الحسين لا يبقه عطشان
عندي الاهم حسين يشرب اميّه
وحط زينب بعيناك بالغاضريه
لو وگع چفك لا تظن احتار بآمري
اليهظمني لو صاح الحسين انكسر ظهري
يگلك يخويه بطيحتك حيرني دهري
الشّمات تضحك چي عليك دموعي تجري
عبّاس أخوك لوحده دموعه يهلها
والحيره زينب عنك شرايح يگلها
منهو اليحاميها بعد طاح الكفلها
اتموت خوفي لو خبر موتك وصلها
من بعدك حسين جثّه سليبه
وماعدها وليّان زينب غريبه
وي سهمك بالعين يا بو الحميّه
حط زينب بعيناك بالغاضريه
قصيدة زينب بعيناك – محمد بوجبارة
Zainab Bi Ainak – Mohammed Bojbara
أداء: الملا محمد بوجبارة
كلمات الشاعر: كرار حسين الكربلائي
المزيد من قصائد محمد بوجبارة
كلمات قصيدة رزية – محمد بوجبارة
كلمات قصيدة ياهلا بزينب – محمد بوجبارة
كلمات قصيدة حرم الرسول – محمد بوجبارة
كلمات قصيدة طول مشينا – محمد بوجبارة