كلمات اغنية زفة ريتو الف مبروك للفنان الفلسطيني مهند خلف بتعبر عن فرحة العرس وجمال العروسين. الاغنية بتبدأ بفرحة العريس والعروسة وبتستمر بوصف الحبايب اللي بيهنوا العرسان. كلمات اغنية زفة ريتو الف مبروك بتجمع بين الفرح والرقص والورد وبتعكس أجواء الاحتفال والبهجة. مهند خلف بيغني من قلبه ليعبر عن أحلى فرحة وأحلى عرسان.
كلمات اغنية زفة ريتو الف مبروك مهند خلف
من ورا هالباب جايّ الفرحة لعنا
صفّوا بإيديكم ورد وحنّة
ومو صوتي ترى قلبي اللي غنّى
لأحلى فرحة وأحلى عرسان
قولوا معي ريتَه ألف مبروك
طلّ العريس والقمر بإيدو
كل الحبايب وقفوا تيهنوك
وإنتِ بعيونه فرحته وعيده
أحلى طلّة طِلّي وهِلّي
وأكتر ما إنتِ حلوة بعيونه تحلّي
غنّوا وقولوا الليل بطوله
ونادوا للفرح ييجي برقصه وطبوله
غنّوا هلا يا هلا بالعرسان
لمّوا الحبايب وسعوا اللّمّة
طلة أميرة وللحلى عنوان
يا عيني بالله عالحلى سمّي
دلّلوها ورقصوها
بالله بالورد بالله لا لا ترشوها
يمكن يذبل ومنها يخجل
وبحلاها هالورد جماله بيكمل
اغنية زفة ريتو الف مبروك – مهند خلف
كلمات وألحان: إيهاب غيث
توزيع: فراس عوده