كلمات اغنية يوم بيومه دويتو حوده بندق وزاب ثروت، بيحكوا فيها عن تعب السعي والروتين اللي بياكل في عمر الواحد كل يوم بين الشغل والمواصلات والهموم اللي في القلب وبيبان فيها إزاي الشخص بيحاول يداري ضعفه ويستحمل قسوة الدنيا والناس الكدابة عشان يقدر يكمل ويلاقي لقمة عيشه في وسط صراعه.
كلمات اغنية يوم بيومه لـ حوده بندق وزاب ثروت
في ساقية
ودُرنا
نصيبنا
قدرنا
وتُهنا
في دنيا ما ليها وصف
طريقنا
بيلفّ بينا لفّ
الساعة السابعة
بصحى وبفتح عيني
بقول يا ريت يا دنيا تجرّبي
الليلة تراضيني
بكوي وبوضّب
ميعاد نزولي قرّب
بهرب في سكوت طويل
وأنا في سيجارة الصبح بشرب
تمانية نازل ع السلّم
أنا وابن جارتي
قالولي لمّا تكبر
هصحى وأنام براحتي
بيضحّكوني
لو كنت أخدت جنيه
من كلّ الناس الّلي نصحوني
كان زماني
فضحكت تاني
قدّ إيه
كانت بسيطة زمان
طموحات والأحلام والأماني
تمانية ونصّ
بلمّ من الناس الأجرة
وكلّ يوم أقول
أنا مش هساعد حدّ بكرة
وأرجع أتدخّل
عشان أنا بحسب أسهل
لو كنت حسبتها بالعقل
كانت حياتي هتبقى أجمل
تسعة نزول
من أوّل مواصلة
هكمّل باقي مشي
أصل الكهربا في دماغي فاصلة
واصل متأخّر تعبان
وطالع عيني
بحاول أدخل بسرعة
قبل ما مديري يناديني
لكن إزاي تعدّي
على حارس حدود الشركة
حقّاني ف كلّ حاجة
إلا ف مصلحتك ووقتك أنت
أخدت كلمتين
في جنبي حطّتهم في الجيب
بحوّش العتاب
أكتر ما بحوّش الجنيه
في ناس هنا أحقّ منه
وأحسن منه وأشطر
بيضحكوله ف وشّه
ومحدّش بيطيقه أصلاً
بنقول تمام قادرين نعيش
بسّ العيون دي ما بتداريش
نستقوى آه ماننحنيش
لازم نداري
في ضعفنا
مستحملين
ولعلّه خير
وفي القلوب
شايلين كتير
من غير جناح
قادرين نطير
بسّ الحياة
بتهدّنا
سابعة خلصت
وخلصت من شغلي الجميل
مع إنّ عقدي مكتوب فيه
خمسة بالكتير
سرحت في الشوارع
والناس الّلي فيها تاهت
تُهت في الأغاني
والأحلام الّلي كانت
وفجأة الدنيا قامت
خناقة ع التسعيرة
سوّاق بيشخط ف الركّاب
أكأنّه موصلهم جميلة
ولا ألف ليلة وليلة
بسّ القصة دي هزيلة
زيّ الدراما عندنا
مش بتعكس الّلي فينا
لمّ نفسه والركّاب وقال
على الله التوكّل
كلّ لمّا بمشي في الحياة
بحسّ روحي أتقل
بحسّ روحي أهبل
صدّقت ناس غريبة
كنت فاكر نفسي أعقل
وكنت فاكر نفسي بفهم
اتلاهيت في فيديوهات بتقولّي
ركّز على الّلي جاي
عايز تنجح
هتنجح
طب قولّي إزاي
عالم كدّابة
نصّ المدّعيين نجاح
ونصّ المدّعين كآبة
الدنيا دار ابتلاء
بين
السؤال والإجابة
ما أنا عارف ده
ف لسه متبّت في الحياة
كتير بني آدم ساكت
بسّ جواه الّلي جواه
قولت أمان
قادرين نعيش
بسّ العيون دي ما بتداريش
نستقوى آه و ماننحنيش
لازم نداري
في ضعفنا
مستحملين
ولعلّه خير
وفي القلوب
شايلين كتير
من غير جناح
قادرين نطير
بسّ الحياة
بتهدّدنا
تسعة بالتمام وصلت
لجراج الأحلام
هنا بسّ صاحب القهوة
الّلي حياته ماشية لقدّام
هنا دخان من غير لحمة
فوضى من غير زحمة
رهانات كتير خسرانة لكن
بغرابة الناس مسامحة
صالة كازينو
شيبسي وساندوتش فينو
موضوع جدال جديد
لازم يوماتي نكون فاتحينه
عشان الليلة تطول
نقعد نجادل أكتر
نهرب في جدالنا سوى
بدل ما نجادل حدّ أكبر
أهي مسكّنات
لصوت عتاب
بعيد مسموع
مش هعيّط
حودة خلّص من عيوني
كلّ الدموع
مطاريد كتير
هنا هربانين من غدر الدنيا
في الّلي بيهرب عنده قسط
والّلي بيهرب من ماضيه
ف الّلي خسر من الدنيا بستّ
والمسؤولية بتناديه
هنا بنهرب من الواقع
نهرب من المضارع
راح ما بين شفتين
أو جولتين
نرجع نصارع
وفي إيدنا إيه
قصّرنا فيه معملناهوش
ده مفيش طريق
ف الدنيا إحنا
ماخدناهوش
راحتنا فين
دايخين عليها
مشوفناش
دنيا الكفاح
جرينا فيها
جري الوحوش
اغنية يوم بيومه – حوده بندق وزاب ثروت
Houda FT. Zap Tharwat – Youm B Youmoh
كلمات: أحمد ثروت و أحمد الجوكر
ألحان: حوده
توزيع: ماهر الملاخ
المزيد من أغاني حوده بندق
في حاجة غلط – حودة بندق
غزالة – حوده بندق وعمرو جابر
الدلع والانبساط – حوده بندق
محمود يقلب حوده – حوده بندق
حلوين – حوده بندق