كلمات شيلة يطل القمر أداء بدر العزي بيوصف فيها مشاعره القاسية بعد الفراق والتأمل في الأيام اللي عدت. الشيلة فيها كلمات تعكس العذاب والوحدة والحنين لشخص بعيد. المشاعر في شيلة يطل القمر قوية ومؤثرة بتوصل الإحساس بالعجز والتألم بسبب الفراق.
كلمات شيلة يطل القمر بدر العزي
يا قلبٍ عثا فيك الزّمان وطواك الياس
لا تبدي ملام إلّا على وضعك الحالي
تشوف المحبّة شي أساسي على أي أساس
ما دام المحبّة تدبل الكبد من تالي
تحدّك على الضّيق وتحدّك على الهوجاس
وأنا كلّ داعي شوق يأثّر على حالي
يهوّن عليّ الشّعر لا انفضّوا الجلّاس
يضمّد جروحي ويتطمّن على أحوالي
يا شين القصيد إن صار خالي من الإحساس
يمرّ المسامع عجل ويموت طوالي
إذا ما تحرّك منه قلب وتمايل راس
ما يطري على مهموم ولا على سالي
أحسب إنّي أسلى كلّ ما ذعذع النّسناس
تعبت ابتسم وأرجع على نفس موالي
أثر ما يسلّيني كلامٍ بين أقواس
عن الصّورة اللّي ما تخلّيني لحالي
عليك السّلام الوافر اللّي بدون قياس
يا عنقٍ عليه معلّقٍ باقي آمالي
مع أنّك بعيد وطرقتك تتعب العسّاس
أنا أشوف حلّي فيك وأشوف ترحالي
إذا ما بقى لي عودك المبري الميّاس
من أحلام عمري ما أعرف وش تبقّالي
يطلّ القمر وإلّا يغيب القمر لا باس
الأغلى تهون بحضرته قيمة الغالي
عن الطلّة اللّي تنتظرها جميع النّاس
أنا في انتظار الطلّة اللّي على بالي
شيلة يطل القمر – بدر العزي
Bader Alezzi – Yetel Alqamer
كلمات: عبدالله السراهيد
توزيع: حازم الأبيض
المزيد من أغاني بدر العزي
كلمات شيلة حاجة جديدة – بدر العزي
كلمات شيلة غبتي – بدر العزي
كلمات شيلة حكايتنا – ناصر الدوسري وبدر العزي
كلمات شيلة الله يعزك يادار – بدر العزي