كلمات اغنية يالهوي لونوس تعبر عن مشاعر الحزن العميقة والخيبة الناتجة عن الفقدان والخيانة. الأغنية بتوصف الصراع الداخلي والشعور بالعجز بعد فقدان الأحباء، وكيف أن الشخص يحاول التصالح مع مشاعره المؤلمة. بأسلوبه العاطفي والصادق، ونوس ينقل مشاعر الألم والحزن بعمق، مما يعكس تجارب إنسانية صعبة ومعقدة.
كلمات اغنية يالهوي لـ ونوس
كان نفسي ألاقي كلام أقوله
ونوّس اللّي بيوصفك مش عارف يوصف شعوره
والخيبة في أنّي مش حمل أشرب كان للأسف
أنّي ماكتشفتش ده غير وفي إيدي آخر نفس
شوفت النّص المليان وهو بيتدلّق قدّامي
شوفت اللّي كان مش عادي بيتعمل لغيري عادي
أنا ضيّعت في صمت وفي هدوء
كلّ اللّي عاش لأهله مات وأهله بيصدّوه
نمت وعينينا مفتّحة
سيبتيني ليه لدماغي وعقلي فصوصه متجرّحة
كلّ اللّي كاتمه في صدري بيظهر وبأبشع طريقة
الدّنيا من غير ضهر زيّ البحر بدون خريطة
وإن كان عليّا اختار الموت ومختاركيش
أنا اللّي عشانك ياما ضحّى بملجأه الوحيد
دلوقتي أضحّي بإيه سيبتيلي إيه من أصله
ياما جيتي عليّا عشان عارفاني هستحمّل وهصبر
مش عارف دي الجنازة الكام
وأنا لسّه أصلا مستوعبتش اللّي مات زمان
ياريت الجاية تبقى دوري
النّاس واحشها كتابتي بس مش واحشها صوتي
لا طوّلت الحيّ ولا الميّت
الميّت عند ربّه الحيّ في حضن غيري كويّس
والشّرب مش بينسّي ولا يدوب بيهدّي
بشرب يمكن سيجارة في دول توقّف نبض قلبي
حكيت وشوفت العجز على ملامح الدّكاترة
حكيت وسمعت سكوتك وعرفت أنّك مش مهتمّة
ردودك دايمًا باردة وأنا شخص قلبه مكوي
بتحسّي بمين ده أنا عقلي فصوصه بتستنجد يا لهوي
مش دي الضّربة اللّي تموت ده أنا عاجز راقد متكوّم
بتشاهد وأنا بسأل نفسي هل ممكن نبدأ من الأوّل
هل ممكن تنطق بابا تاني وتبطّل أغاني
هل ممكن تتنفّس من غير بخّاخة تمنها غالي
كنت أجي أستنجد بيها ودلوقتي قصّاد قبرها
كانت شايفاني ثمرة فاسدة هتبوّظ أرضها
ماتت مش راضية عنّي وحقّها ده أنا مش راضي
هصفّي دمي يمكن مرّة تشوفي قلبي صافي
أنا اللّي في قلبي مش سواد ده بس النّور كان قاطع
لو حد قالك بكره أحلى اضحكله وارفع صابع
بطّلت أضحك عشان بتكسّف من تكسير سنّاني
وأديني بقولها عادي عشان مش ضامن أغنّي تاني
مش عارف دي الجنازة الكام
وأنا لسّه أصلا مستوعبتش اللّي مات زمان
ياريت الجاية تبقى دوري
النّاس واحشها كتابتي بس مش واحشها صوتي
لا طوّلت الحيّ ولا الميّت
الميّت عند ربّه الحيّ في حضن غيري كويّس
والشّرب مش بينسّي ولا يدوب بيهدّي
بشرب يمكن سيجارة في دول توقّف نبض قلبي
اغنية يالهوي – ونوس
Wannous – Yalahwi
كلمات وتوزيع: ونوس
المزيد من أغاني ونوس
كلمات اغنية محكيتش لحد – ونوس
كلمات اغنية يا ليل – ونوس