كلمات شيلة يا طالب الفوز أداء فالح بن فصلا بتحكي عن الفخر والشجاعة والانتصارات اللي حققتها القبيلة في المعارك، وهي مهداة إلى مالك الإبل محمد بن فهاد بن جخدب. شيلة يا طالب الفوز بتصف كيف إن القبيلة قوية ولا تخاف من مواجهة الأعداء ودايمًا مستعدة للحرب. الكلمات بتعكس القوة والتحدي والشرف وبتوضح إن القبيلة ما تتراجعش قدام الصعاب.
كلمات شيلة يا طالب الفوز فالح بن فصلا
يامكثرين الهروج ملاعبين السّباح
تسمعوا فالقصيد الوارد المعتمد
اضرب بسيف يقصّ الرّوس مثل ابو لاح
في كفّ اميرن نهار الهوش مايرتعد
دايم ضعيف الرّوابع هو عدوّ النّجاح
وان غاروا اهل المغازي للمغازي قعد
ازويه وزوي وجيه ماوراها صلاح
الشّله اللّي معه وتقومه بالعمد
احبّ نهج الحطيئه واتحاقر سُجاح
وادقّ في كبد خصمي لا تبين وتد
من جا على دربي اطا جلمده بالشّباح
وليا كويته على علباه بلفه هجد
بس احتزم بي يبو فهاد مثل السّلاح
والله مجنّب عن الواجب وانا ابن سعد
ياهل الصّياهد عليكم من جهتنا صباح
صباح بيعده الحاضر لمن فالمهد
يسلم لنا اللّي سقا لخصام سمّ ذحاح
محمّد اللّي لفعله كلّ طيّب شهد
قلط لهم كلّ خرعوب شنّاج طفّاح
بتقول كنّها على كبد الخصيم تهبد
يوم احتما الشّوط قال انا لها ما استراح
انشهد انّه تقدّم في القبيله ولد
جلّا هل الطّهبله والجمهره واستباح
اسدود ناس من اوّل ماتفكّر فاحد
وش لون مافخر وربعي ممنين الطّياح
محمّد وصامل الهدات ذخره فهد
ياراعي الحلم سدّك باح والحلم باح
طقيقك اكبر هزيمه ياضعيف الجهد
حنّا حضرنا وصامخنا طيور الفلاح
ولا انت رعو لواعد ماحضر فالوعد
امعود شلّتك على البكا والنّياح
وتبغى تنافس عيال مضيم لا لا لدد
امّا اصدموا الشّبك والّا طنّبوا بالصّياح
حرمن عليكم مخامسكم ولي العهد
لابدّ ما تاخذون من ابن جخدب سماح
ولا تروحون روحه ما بعدها مردّ
يمحلّلين الحرام محرّمين المباح
شرذمتن مالها مذهب ولا معتقد
حنّا من يورد الابطال عدّن قراح
وليا بدا الماقف الغصّاب سقنا جلد
حن قحطان الفعول مخضّبين الرّماح
من عصر هود نبيّ الله ليوم الابد
من طاح في معركتنا فالمطاح المطاح
كلّن يدور له من مواجهتنا مصد
نشوش لادندن التّفاق والدّم ساح
وانهل مشط الثّميدي مثل وبل البرد
ياعنك من سابر لدقلاتنا ما استراح
ايفكّر بموتهه والمقبره واللّحد
ياطالب الفوز عذا ما طلبك بمتاح
خلّك ورانا على الجرّه وكمل عدد
شيلة يا طالب الفوز – فالح بن فصلا
Ya Talib Al Fawz – Falah Bin Fasla
كلمات: فيصل بن عبدالله ال سعد
المزيد من شيلات فالح بن فصلا
كلمات شيلة غلطة الشاطر – فالح بن فصلا
كلمات شيلة امن الدواسر هل الخوة – فالح بن فصلا
كلمات اغنية عز شعبك يا محمد – فالح بن فصلا