كلمات اغنية يا مشيبني للفنانة اللبنانية فابيانا سكاف بتنقل معاناة كل أم مع شقاوة ابنها الصغير اللي مش بيقعد ثانية، بيقلب البيت وبياخد الموبايل وبيبوظ خروجاتها بضحكة بتنسيها تعبها طول اليوم. والآن إليك كلمات اغنية يا مشيبني كاملة.
كلمات اغنية يا مشيبني مكتوبة كاملة
كُلّ ما سيبو شوية
ألاقيه في حِتّة تانية
حتى أغْراض البيت
في كُلّ مَكان مرمية
ده لِسه شِبْر ونص
و قاسم ضَهْري بالنُّصّ
يا ابني طَلّعت عَنيا
إهدى بَقا فيا حِسّ
يا مُشيبني يا مُجنني يا تاعبني يا مُعذبني
ده أنا ده أنا مَاما يا رُوح مَاما أمانة عليك تِريّحني
ده واخدلي الآيفون
ومِش عاجبه أيّ تِلفون
بيَقلّب في اليوتيوب
ومِش عاجبه التلفزيون
وبيَقلب في التيكتوك
يعمل للكُلّ بْلوك
ده لِسه صُغنن وبيَعمل
في كُلّ ثَانية نيو لوك
يا مُشيبني يا مُجنني يا تاعبني يا مُعذبني
ده أنا ده أنا مَاما يا رُوح مَاما أمانة عليك تِريّحني
لو عزموني الشِّلّة
نَخرج نَسهر نِتسلى
ده ابني شَقْلبلي الدُّنيا
ويبوظ كُلّ الحَفْله
قوم يَلّا بينا نِمشي
سَوّدت يا مَاما وشي
ده الوَاد ده مَهمَا زعّقله
يَفضل يِضحك ما يِخفشي
يا مُشيبني يا مُجنني يا تاعبني يا مُعذبني
ده أنا ده أنا مَاما يا رُوح مَاما أمانة عليك تِريّحني
اغنية يا مشيبني – فابيانا سكاف
Fabiana – Ya Mshayibni
كلمات: محمد درويش
ألحان: محمد درويش
توزيع: ناصر الأسعد
سنة الإصدار: 2026
أغاني أخرى لـ فابيانا سكاف
هس – فابيانا سكاف
أنا معلمة – فابيانا سكاف
