كلمات اغنية يا ماشي في الغربة غناء أحمد مشعل بتحكي عن وجع الغربة والوحدة، وعن شخص ساب بيته ولف كتير في الدنيا من غير ما يلاقي أمان. الأغنية حزينة وبتوصف مشاعر الغريب اللي تايه وسط الحياة، حنينه لأمه ولأيامه، وتعبه من قسوة الناس والبعد. الكلام صادق وبيلمس القلب، وكأنه صرخة من جوه الوجع.
كلمات اغنية يا ماشي في الغربة لـ أحمد مشعل
يْهون العُمر يْهون
ويطوّل الليل يا أمّي أنا عَلَيّا
مضمون؟ في إيه مضمون؟
نآمن مين فِ الدّنيا؟
لفّيت وسِبت البيت
واخدني الموج، غمّى ليّا عَنَيّا
ما لقيت أمان فِ الغُربة
واتصدّيت، وهعمل إيه؟
جِتلك وفاض بيّا
يا ماشي فِ الغُربة اجمد
ده الطريق عايز جَبَل واقف
يا أيّامي الصّعبة خفّي
فِ الحُمول حبّة، بقيت خايف
يا طبيب داويني
غرقان جوّه بحر غويط ومش شايف
يمكن خير جاي بُكره
وعالم الله، أنا عايش ومش عايش
كبرت فِ لحظة، وفي ثانية
بتشرب قهوة فِ التانية
وتسرح فِ الحيطان حبّة
وفاكر إنّهم جايين
تراقب من ورا شباك
تحنّ لناس بقت ناسيّاك
مقضّي اليوم وجع وسكات
ومحسوب فرد عَ العايشين
واتّاري العُمر بيك عَدّى
وقلبك جَفّ أهو وصَدّي
صحيح العُمر بيغيّر
ويطفّي اللمعة فِ الفضّة
يا مستنّي الفَرَح، حيلَك
فرَح إيه اللّي هيجيلَك؟
يوماتي تقوم وتقريبًا
خلاص نحست مِ الخضّة
وأنا ماشي فِ الغُربة
قابلت كتير، وشُفت من البشر ألوان
كان ليّا أنا حبايب
غصبًا عنّي، كان البُعد والحرمان
قالولي وغاروا منّي
حسدوني عشان فِ الغُربة
فاكريني حالي بخير وكُلّه تمام
لكن عَ اللي فيّ أنا
الله أنا يْعينني
اغنية يا ماشي في الغربة – أحمد مشعل
Ya Ma4i Fe El8orba – Ahmed Mashel
كلمات: أحمد مشعل
توزيع: إيكا مزيكا
المزيد من أغاني أحمد مشعل
موالي
يا جبل
طلاسم
بقيت وحدك ومعزول
متلزمنيش