كلمات قصيدة يالماشي لبعيد للشاعر مرتضى حرب من القصائد الشيعية العراقية المؤثرة، وفيها نداء حزين للإمام الحسين عليه السلام، ممزوج بألم الفُراق والحنين لأهله، خاصة العليلة زينب. النص محمل بالمشاعر والخيبة والانتظار، باللهجة العراقية. لو حابب تقرأ كلمات يالماشي لبعيد مكتوبة، تعالى نشوفها سوا.
كلمات قصيدة يالماشي لبعيد لـ مرتضى حرب
يالماشي لبعيد عليلة الكم بالدّيار
عفتوها چن بيت شعر بي كضت النّار
يا راچبن فوگ سباگة الرّيح
خذ لعمامي وابويه حسين مرسال
گله العليلة تراها انگوم وتطيح
بفراگم يَحسين مشدوهة البال
عفت بالدّار عيني امغورّجة ادموع
متعوّدة اعله عينك
كلّما جاسها بحرورتة الشّوگ
تصرخ بويّة وينك
تطلبك دين ابوة يبن الاكرام
تعال ووفي دينك
يبو چف الطّويل ابوصل الأرحام
لا تگصر يمينك
يابلسم الرّوح تعال وداوي الجروح
العايفها بالدّار تريد وياكم تروح
تتعب من تجي ساعات الغروب
يبني الفرگة مُرّة
عليلة وحگها إذا تعتب يمهيوب
فراگ الغالي كسرة
صوت وجسم من الأجر متعوب
البعد محد يگدره
وفوگ اجفونها دمعاتها تروب
وتنام بعين حمرة
بُعد الأهل موت ثجيل ايحز بالأرگاب
يابو المداليل العليلة فراشها تراب
يمضيج اديار العز يمسؤول
رد واخذ الأمانة
اخيول الهجر يم اديارنه اتجول
تعبنه من المتانة
لا حاظين بيك ولا احنه ميتين
سبي غيابك سبانه
يبو علوم الچبيرة الترفع الرّاس
فراگك شيبانه
خاف أعتب اعليك وأزعلك وانتَ متعوب
حال العليلة بغيابك يكسر گلوب
اعله دارك من يحط الطّير احاچي
واگله شلون اهلنه
بلكت مار بيكم واسمع اخبار
عن ذيچ المحنة
عساها ابخت طف الشّوم يحسين
رحتله وطش شملنه
لا مرسال منك جاي وارتاح
ولا انته الرّاجع النه
ماراح احاچيك واجرحك خاف أأذيك
تدري العليلة ابغيابك بس تهم بيك
إذا ماناوي ترجع ودي عبّاس
يجي وحملك يشيله
انا ابقه بديارك ماجي وياه
بس اخذ العليلة
خاف اتموت عندي من يجي اللّيل
عتبكم مالي حيلة
شگلكم قصرت وياها لو اگول
امتاناكم تگيلة
يالماخذ الحيل هجركم سوطه جلّاد
بُعد الأهل نار توجر حدر الفاد
يمزوّد مرضها بروحتك هاي
تعال الفرگة تكتل
غاليتك ييمه اتگوم وتطيح
كلّما شاهدت بل
مامقتنعة ترجع يَسردال
ولا مقتعنة تقبل
حرت مابين هاي وهاي يحسين
ودمعها عليك يهمل
بُعد الأبو ايريد گلب مامرّة مفجوع
عفت العليلة گلبها اعليك مشلوع
قصيدة يالماشي لبعيد – مرتضى حرب
Ya El Mashi Lbeed – Murtada Harb
كلمات: الشاعر مسلم المطوري