كلمات اغنية يا خرابي أداء تيم عمده، بتوصف قلب طيب اتعبته المقاسي وقرر يقلب الصفحة ويرد القسوة بقسوة. بتحكي عن واحد استغلوا حنيته وشافوا دلاله وبعدين شافوا البهدلة بعد ما مشي. الاغنية عبارة عن صحوة وكرامة تخلي السامع يحس بالقوة بعد الوجع.
كلمات اغنية يا خرابي – تيم عمده
ماذا لو كان قلبي الطَيّب قاسي
كنت زماني بعيد عن أي مآسي
كنت هبَطّل أطبطب أبَطّل أواسي
وبناقص اللي هيجرح يوم إحساسي
من بعد مِنّي شافوا بهدلة
ما هو جنبي داقوا طعم الهنا
رجوع ده مين ما تفوق بقى
شكلك كده نسيت مين أنا
من بعد مِنّي ما شافوش دلع
مشيت بخيري سِبتلهم وجع
مفيش رجوع لو ضربوا الودع
خلاص فَوّقت قلبي الجدع
ماذا بعد
مش كنت بعدت ووَدّعت
جاي تاني تقولّي بلاش بُعد
وَطّي صياحك عشان صَدّعت
اشتقت
اشمعنى بتشتاق دلوقت
عرفت حُلوِي لَمّا حَدّقت
مفيش رجوع أصلي ما صَدّقت
ماسك قلبي يا ناس بالعافية
ما هي قراراته جابتله الكافية
عَمّال بيفرّق حِنّيّة
على ناس نِيّتها دي مش صافية
يا خرابي على هيبتي ولا على جمداني
تنساني مستحيل تنساني
ف العمر مرّة ما بجيش تاني
مفيش تاني يملى مكاني
لِسّه سنجلاوي
أصل البطل يستاهل الغالي
ما لقتش حَدّ يا ناس في مقامي
راسي في السما ومزاجي في العالي
ماذا لو كنت بتاع نفسي شوية
كان دلوقتي زماني ف حِتّة تانية
بس أنا علشان طَيّب قسيوا عليّا
رَدّ القسوة بقسوة الفترة الجاية
من بعد مِنّي شافوا بهدلة
ما هو جنبي داقوا طعم الهنا
رجوع ده مين ما تفوق بقى
شكلك كده نسيت مين أنا
من بعد مِنّي ما شافوش دلع
مشيت بخيري سِبتلهم وجع
مفيش رجوع لو ضربوا الودع
خلاص فَوّقت قلبي الجدع
اغنية يا خرابي – تيم عمده
Team Omda – Ya 5raby
كلمات: تيم عمدة وحسين خالد
ألحان: تيم عمدة
توزيع: فلسطيني
المزيد من أغاني تيم عمده
يا خسارتك
كوكتيل حلاوة
على مسؤوليتي الشخصية
رجوع ما بينا
بدلع