كلمات مهرجان بدلع غناء تيم عمدة بتحكي عن واحد اتساب واتظلم، ولما التاني رجع ندمان، قابله ببرود وسخرية. المهرجان كله تحدي وثقة، وبطريقة شعبية بيقول “خلاص اللي راح ما يلزمنيش”. الكلام في نغمة تهزيق خفيفة، وكأن اللي بيغني بيحتفل بالبعد وبيقول: فراقك عيد وسلام يا جميل.
كلمات مهرجان بدلع لـ تيم عمده
بدلع طب مدلّع
مضايق طب متولّع
جاي ندمان وعينيك بتدمّع
ما إنت اللي اخترت إنك تودّع
هتسيب طب متسيب
فاكرها واقفة عليه؟ هيخيب
ده إنت فراقك هيبقى عيد
سلام يا فقر، ابعد يا بعيد
وأنا
أنا مش متأثّر
ده أنا
قلبه بعدي اتكسّر
لأ لأ
بعده مش هيخسَر
مفيش رجوع، شكلك بتهزّر
وأنا
لأ مش مضايق
ده أنا
أيوة بعدك رايق
لأ لأ
قلبي منك تايب
شيك الفُراق أهو، اتفضّل حاسب
من بعدي ما تحبّتش
وأنا طبعي ما تمسّكش
فاتك اللي ما يتفوتش
فما تحاولش، ما بتقارنش
هتودّع طب ما تودّع
وإحنا نسقّف ونشجّع
مهما تطبطب وتدلّع
اعذرني، أنا عمري ما هرجع
مفيش عتاب ما بينّا
لو صدفة اتقابلنا
نسيت أنا اللي بينا
ضميري نام ده نِنّى
يلّا بالسلامة
لأ مفيش ملامة
هتشوف بعدي ياما
أصلي بسيب في القلوب علامة
وأنا
أنا مش بتهدد
ده أنا
آه عايش متبغدد
لأ لأ
مش فارق مين يبعد
مليش دماغ، فهتعند؟ هعنّد
بدلع طب مدلّع
مضايق طب متولّع
جاي ندمان وعينيك بتدمّع
ما إنت اللي اخترت إنك تودّع
هتسيب طب متسيب
فاكرها واقفة عليه؟ هيخيب
ده إنت فراقك هيبقى عيد
سلام يا فقر، ابعد يا بعيد
مهرجان بدلع – تيم عمده
Bdla3 – Team Omda
كلمات: تيم عمدة وحسين خالد
الحان: تيم عمدة
توزيع: شافعي
المزيد من أغاني تيم عمده
جاني جاني
مش بريح ولا بهمد
العبد لله مش طبيب
البقاء للي يدلعنا
البطة