كلمات اغنية الحرب العالمية للفنان ابو بتتكلم عن خوف الناس من المستقبل بسبب التهديدات العالمية، وفي وسط كل ده بيطلب من حبيبته إنها تحبه وتديله فرصة يعيش معاها لحظات حب وسعادة بعيدًا عن كل المشاكل دي. اغنية ابو الحرب العالمية بتعبر عن رغبة في الهروب من الواقع والتمتع بلحظات حلوة مع الحبيب في وسط كل الفوضى والقلق.
كلمات اغنية الحرب العالمية ابو
بيقولوا النووي هيضرب ومفيش حد هيبقى سليم
وإن الدنيا دي فجأة هتقلب عركه ما بين أمريكا والصين
وإن الكوكب إكس هينزل يخبط فوق راس ناس ماشيين
وإننا بكره نتعايش مع حبايبنا الفضائيين
وكمان الفتره الجايه شكلها كده هتكون مؤذيه
كل الأخبار بتقول دي بوادر الحرب العالميه
طب إيه رأيك يا حبيبتي لو تاخدي قرار وتخلّيني
ومدام الدنيا دي كدا بايظه إديني فرصه وحبّيني
ما تحبّيني والنبي حبّيني
سيبك من العالم حبّك دا مطلّع عيني
ما تحبّيني والنبي حبّيني
بيقولوا الدنيا بتخلص
وبقول إن إنتي وحشتيني
يا حبيبتي يا عينيّا
في شريحه بتخلّي الناس
زي الروبوت بالملّي
والموضوع ده بقى حسّاس
سيبك بس وجاوبيني
فيها إيه لما تحبّيني
نعرف بعض نعيش حاله
قبل ما يلغوا الإحساس
حبّيني
ما تحبّيني والنبي حبّيني
سيبك من العالم حبّك ده مطلّع عيني
ما تحبّيني والنبي حبّيني
بيقولوا الدنيا بتخلص وبقول إن إنتي وحشتيني
حبّي حبّي حبّيني
ما حبّي حبّي حبّيني
حبّي حبّي حبّيني
اغنية الحرب العالمية – ابو
Abu – World War
كلمات: ابو – محمد شافعي
الحان: ابو
توزيع: سيكا – منير ماهر