كلمات اغنية ومشيت يما يما مشيت

كلمات اغنية ومشيت يما يما مشيت للفنان الحسن عادل “من البوم هو” تصف شاب قرر الابتعاد عن أشخاص خذلوه، ويتذكر تشجيع أمه ليعيد ترتيب أوراقه ويغير أسلوب حياته، ثم يتوقف عن التنازلات ويمضي في طريقه ليقول لأمه ومشيت يما يما مشيت.

كلمات اغنية ومشيت يما يما مشيت مكتوبة

ولا حدّ حاسِس بيّا
ولا حدّ فاهِمني
دايماً شايفني عَكس كلامهم
ده الي تاعِبني

أُمي دايماً بِتقولي يابني أنتَ أحسَن منهم
نَجمك عالي في السما
وأنتَ مُميّز عَنهم

ومشيت يَمّا يَمّا مِشيت
ومشيت يَمّا في طريقي مِشيت

أنا عيشت حياتي سِنين حاطِط
النّار كِدَه جَنب البَنزين
والضّعف في قَلبي مايتقواش
لو هاخُد مِليون فِيتامين
والحِمل في وَجعي مايتخفش
لو عيشت في شِركه بُروفين
أنا خَدت قَرار مِش هَرجع فيه
هَعتزِل أنا كُلّ البني آدمين

ولاحد حاسِس بيّا
ولا حدّ فاهِمني
دايماً شايفني عَكس كلامهم
ده الي تاعِبني

أُمي دايماً بِتقولي يابني أنتَ أحسَن منهم
نَجمك عالي في السما
وأنتَ مُميّز عَنهم

ومشيت يَمّا يَمّا مِشيت
ومشيت يَمّا في طريقي مِشيت

اللي احتجته في مَرّه مَعايا
كان آخره يَدوب يَعْمَل seen
وصحابي اللي فديتهم ياما
طِلعوا خَساره صحاب م الصّين
وصَبَرت أنا أكتر من أيوب
وفَضلت أنا عاقِل ورَزين
وسابوني في قَلب البحر وَحيد
واستنيت سَاعة الصّفر سِنين

أوعى تخافي يَمّا مَهما يَحصل
بُكره تشوفي ابنك بقى إيه

غُربتي عَنك ده هَمّ ف قَلبي
كُلّ ساعة ف بُعدك تسوى إيه

أنا لازم أُغيّر أوضاعي
وأتَحوّل وأبطّل طيبتي
ضِحكت النّاس من غير داعي
و الآخِر يِضحكوا علي خيبتي
مِش هَحبس نَفسي في أوجاعي
ولا هَفضل أشيل طاجِن سِتّي
ولا هَفضل أشيل طاجِن سِتّي