كلمات اغنية وجع وشيلة للفنان عمر كمال، بيحكي فيها عن الناس اللي بتبص على رزق غيرها وبتحسدهم على الفلوس من غير ما يعرفوا التعب اللي ورا النجاح ده. بيقولهم في اغنية وجع وشيلة إن الصحة واللمة أهم بكتير من أي رصيد في البنك عشان كل واحد بياخد نصيبه اللي ربنا قسمه له بالعدل.
كلمات اغنية وجع وشيلة لـ عمر كمال
النعم كترت عليّا
والفلوس جارية في إيديّا
واللي عندي كتير حقيقي
بسّ ثانية اصبر شويّة
أنتَ ع اللي معايا باصص
في المزايا عادد وراصص
طب مخدتش مرّة بالك
من اللي مش موجود وناقص
باللي جاي تحسد وحيد
وأنتَ عندك بيت وعيلة
أنتَ بصّيت ع الرصيد
بسّ ناسي وجع وشيلة
قُلت بالبنط العريض
ليه وليه واشمعنى أنا
يكفي إنّك مش مريض
ده لوحده أكبر هَنا
أنتَ تعرف إيه اللي عندي
ولا شيلت الهمّ قدّي
كنت فين وأنا في احتياجي
بتأذي وأسكت وأعدّي
ده الشقا اللي شقيته يحكي
لو سمعت القصّة تبكي
لأ مجتش يا صاحبي سهلة
ياللي قاعد بسّ تشكي
ياللي جاي تحسد وحيد
وأنتَ عندك بيت وعيلة
أنتَ بصّيت ع الرصيد
بسّ ناسي وجع وشيلة
أربعة وعشرين قيراط
والملك هو اللي وزّع
مش بإيدي أزيد جرام
مش بإيدي أدّيك وأمنع
اجتهدت كافئني ربّك
وأنتَ جاي تقول ده حظّك
حظّ حظّ يا عم ماشي
سيبني وابعد عنّي شرّك
بسّ عايزك تبقى عارف
هي مش حظّ ومعارف
وأنتَ نايم كنت صاحي
بشتغل وأتعب وأجازف
ياللي جاي تحسد وحيد
وأنتَ عندك بيت وعيلة
أنتَ بصّيت ع الرصيد
بسّ ناسي وجع وشيلة
قُلت بالبنط العريض
ليه وليه اشمعنى أنا
يكفي إنّك مش مريض
ده لوحده أكبر هَنا
عربيتي اللي تمنها غالي
أمّي لأ مش جيبهالي
التمن أنا دافعه غربة
مرمطة وسهر الليالي
وهدومي الحلوة النظيفة
ضحكتي الرايقة اللطيفة
كل ده وراه منه رحلة
كلّها كواليس مخيفة
ياللي جاي تحسد وحيد
وأنتَ عندك بيت وعيلة
أنتَ بصّيت ع الرصيد
بسّ ناسي وجع وشيلة
أربعة وعشرين قيراط
والملك هو اللي وزّع
مش بإيدي أزيد جرام
مش بإيدي أدّيك وأمنع
اغنية وجع وشيلة – عمر كمال
Omar Kamal – Wag3 we Shyla
كلمات: أحمد شكري
ألحان: فارس فهمي
توزيع: وسام عبد المنعم
المزيد من أغاني عمر كمال
بشوات البلد – عمر كمال
أنا بحلم – عمر كمال
غاب لـ عمر كمال
يعكرنا لـ عمر كمال
رهان كسبان لـ عمر كمال