في اغنية طز جدا في كل اللي باعني، بوده محمد يعبّر بصدق عن خيبته من الناس اللي خانوه. بصوته القوي، بيقول إن الاعتماد على النفس هو الحل الوحيد. اغنية طز جدا في كل اللي باعني مليانة تحدي وثقة بالنفس، وبوده محمد بيوصل رسالة واضحة: مش هعيد نفس الأخطاء تاني.
كلمات اغنية طز جدا في كل اللي باعني
طزّ جدّا في كلّ اللي بعني
طزّ جدّا وعادي إيه يعني
في الحياه مين فيكو قبلتو ونفعني
كلّو عايز مصلحتو وخلاص
شوفتو حالكو هشوف بردو حالي
مش هفكّر ولا اشغل في بالي
عيشت ليكو بضحّي ليالي
اثبتولي إنّكو ناس رخاص
ياساتر يا ساتر عنيكم سيوف
شوفتلكو بجاحه مشوفتش كسوف
قلبكو اسود وازرق وموف
والقلّه فيكو على كلّ لون
كارهين نجاحي بتستكتروه
عايزين تبيعه فيّا وتشترو
اجتهدو شويّه ونجاحكو تلاقوه
صفّو نيّتكم بقى واسلكو
عيشا عمري في مخاطره ومخوفتش
حدّ يصرف قصادي مشوفتش
كلّو عادي وفاضي وبيهتش
كلّو هري وفعل مفيش
أيّ حدّ في خيالو يزاولني
يجي سكّه ودوغري يقابلني
قلبي جاحد محدّش شاغلني
هترازيني لا يمكن تعيش
مقاتل وراجل واخطر خطير
وساعت المشاكل بودّي بضمير
مشاكس معاكس برازي كثير
مطنّش وفاكس لأيّ عويل
مطرقع مفرقع وعامل هجوم
مولّع موقع بيوت الخصوم
لاجلي وارجع في حقّي بزوم
سلاحي نجاحي وماقع في يوم
شيلتهم جوّه نيني عيوني
باعو فيّا ومشيو وسابوني
وقت ما بيعزّوني يلاقوني
ولمّا اعوزهم مبالقهومش
ياما ضيّعت وقتي معاكو
خسرت لاجل إنّي اكسب رضاكو
مشيتوها معايا بهواكو
في الآخر كلّ ده ماطمرش
ازعل واندم لا لا ده كان زمان
رميت المحبّه وقفلت البيبان
عشرتكو بيئه تودّي اللومان
جدعنتي ليكو مقدرتوهاش
غاويين أذيّه وبكاسه ونداله
بقيتو في عنيّا أرخص من الزباله
ارجعلكو تاني لا استحاله
ده لمّا بشوفكو بشوفكو طشاش
شوفتي ياما حياتي الخنيقه
دنيا ظالمه وغبيّه الحقيقه
إيوا راحت ضحكتي البريئه
اتحسدت وجالي اكتئاب
ادعي ياما اروق من العزاب
مالوجع والله شعري شاب
كلّه جاي عليّا بخراب
اتخدعت في كلّ الصحاب
كوكب جرايم وكلّه هلاك
ومهما هتوفي محدّش معاك
بشر طبعه خاين وقلبه بلاك
وحشين وحاشه مفيش بعدها
فلوسك هتظهر هلاقي جيوش
محدّش يدوسك محدّش يلوش
بجحين بجاحه ومابيختشوش
عالم في البشاعه مفيش زيّها
اللي نفسو يفارق يفارق
أيّ بايع وجودو مفارق
أصلكو انتو مش حاله طوارق
وقت ما اتعب هتبقو الدواء
عمري ما ازعل في يوم على اللي راح
شوفت منكم جميع الجراح
وفي غيابكم عايش في ارتياح
انسو إنّنا نرجع سوا
أخويا وحبيبي اللي دايما معايا
وفي أيّ حتّه بروحها ورايا
أخويا ده يبقى الأمان والحمايه
هو السند هو كلّ الحياه
اغنية طز جدا في كل اللي باعني
Toz Jidan Fi Kul Ally Ba3ni – Bouda Mohamed
غناء: بوده محمد
كلمات: بوده محمد
توزيع: محمد الريس
المزيد من أغاني بوده محمد
كلمات اغنية سكره جوهره بوده محمد