كلمات اغنية تقع وتقوم لفرقة من مسار إجباري بتتكلم عن مواقف الحياة اللي بنقع فيها وبنقوم منها، وبتوضح تفاعلنا مع الحزن والفرح، وازاي بنقدر نلاقي الفرح وسط الحزن. الاغنية بتحكي كمان عن مشاعر الغموض والألم والأمل اللي بنعيشهم كل يوم، وبتقول إنه مع كل خطوة، في درس وفي أمل بنلقاه، والضحكة هي اللي بتفتح البيبان وترد الروح، ومهما طال الحزن الفرح بيرجع تاني.
كلمات اغنية تقع وتقوم مسار اجباري
وتقع وتقوم وتقوم وتقع
في الفرح دموع ودموع يا وجع
مين قال مقسوم؟ كدّاب يا ودع
ده أنت اللي في إيدك طرف الخيط
في الزحمة وشوش جاية وبتروح
خايف على قلبي يبات مجروح
ضحكة من الحلوة تردّ الروح
تفتح شبابيك وبيبان البيت
أنا صابني الحزن، ما قولتش ليه
وعاندني الحزن، قدرت عليه
ويا بحر حلفت إنّي أعدّيه
ويفوت العمر لو استنيت
دقّيت عالصبر فتحلي الباب
وحكالي هموم كلّ الأحباب
ويا فرحة اترسمت بعد غياب
وقالتلي اتفضّل لمّا ناديت
الحلم براح والكون مشاوير
والغنوة جناح أخدك ويطير
ده العشق مالهوش أصل وتفسير
ويبان في عيونك مهما داريت
أنا صابني الحزن ما قولتش ليه
وعاندني الحزن قدرت عليه
ويا بحر حلفت إنّي أعدّيه
ويفوت العمر لو استنيت
الناس فوازير وسطور حكايات
وساعات براويز وساعات متاهات
ودموع بتدوب وسط ابتسامات
تضحك دمعاتك لو حنيت
مكتوب للغايب يوم هيعود
مكتوب للغصن يضمّ ورود
من حضن الليل فجرك مولود
وتبات ونبات زيّ الحواديت
أنا صابني الحزن ما قولتش ليه
وعاندني الحزن قدرت عليه
ويا بحر حلفت إنّي أعدّيه
ويفوت العمر لو استنيت
كلمات اغنية اوقات – مسار اجباري
اغنية تقع وتقوم – مسار اجباري
Massar Egbari – Toaa We Teoam
كلمات: دعاء عبد الوهاب
الحان: هاني الدقاق
توزيع: مسار إجباري