كلمات اغنية تؤ تؤ للمطربة هايدي كارم بتعبر عن مشكلة في العلاقة بين شخصين، وفي واحد منهم بيحاول يسيطر بشكل كبير على التاني ويكون رسمي قدام الناس، رغم إنها بتسمع الكلام وموافقة عليه. الفنانة بتحكي عن التوازن بين الغيرة المحببة والغيرة اللي بتلغي شخصيتها وبتأكد إن الحنية والمحبة هي اللي بتكسب في الآخر.
كلمات اغنية تؤ تؤ هايدي كارم
أنا ممكن افهم حاجه
ليه بتتحكم كده وخلاص
عايز يعني تسيطر دايما
وتكون رسمي قصّاد الناس
طب ليه منا سامعه كلامك
طول الوقت موافقه عليه
وبعديلك مهما بتعمل
طب قولي أنا اعملك إيه
تؤتؤ لاء لاء كل شوية
تؤتؤ ع الفاضي والمليان
تؤتؤ دي لو بالحنيّة
تاخد قلبي وعيني كمان
طب بص هقولك حاجه
علشان نبقى سوا على نور
أنا مش بزعل أبدا منك
لمّا بحسّ انك غيور
إنّما مش نافع ابدا
تلغيلي شخصيتي وتقول
إنّك خايف يعني عليّا
ونعيش نفس الحال على طول
تؤتؤ لاء لاء كل شوية
تؤتؤ ع الفاضي والمليان
تؤتؤ دي لو بالحنيّة
تاخد قلبي وعيني كمان
تفاصيل اغنية تؤ تؤ – هايدي كارم
Haidy Karem To2 To2
كلمات: عمرو المصري
الحان: احمد يوسف
توزيع: احمد دياب