كلمات اغنية صحاب الليل لعبد الرحمن رشدي وهند عبدالحليم بتحكي عن الوحدة والذكريات اللي بتفضل حاضرة في القلب رغم مرور الوقت. الأغنية بتعبر عن إحساس الشخص اللي بيعيش في دوامة من الحنين والخذلان، وكأن الليل بقى الصاحب الوحيد اللي بيسمع الشكوى. كلمات صحاب الليل فيها نغمة حزينة لكنها صادقة، وبتوصل المشاعر بأسلوب مؤثر.
كلمات اغنية صحاب الليل عبد الرحمن رشدي
وأهو كلّ يوم
قلبي وحيد مش جايلو نوم
حبّينا أكتر من اللّزوم
وإتسبنا فجأة في ليل شتاء
والحزن أتقلّ من الهدوم
مفيهاش جديد
أقرب ما ليك عنّك بعيد
مكتوب يا قلبي الخوف يزيد
بتعيش عشانهم وفى أخر هيعيشوا
وإنت تعيش وحيد
كان فيه ياما ناس هنا حوالينا
بقوا بس دموع جوّه عنينا
وبقينا صحاب اللّيل
واللّيل مالوش أصحاب
والقلب هايفضل وحداني
خوف يخلص يبدأ خوف تاني
عايشين بالقسمة
ومتاخدين في الدّنيا غياب
وأنا ليّا مين
غير ليل طويل بيفوت حزين
سهرانة وسط السّهرانين
وأهو كلّ يوم بنقول لروحنا بكره نبقى كويّسين
وأدّي بكره فات
ومجاش وراه غير السّكات
تقلّت علينا الذّكريات
عايشين نفكّر في القديم
واللّي بنصبح فيه نبات
كان فيه ياما ناس هنا حوالينا
بقوا بس دموع جوّه عنينا
وبقينا صحاب اللّيل
واللّيل مالوش أصحاب
والقلب هايفضل وحداني
خوف يخلص يبدأ خوف تاني
عايشين بالقسمة
ومتاخدين في الدّنيا غياب
اغنية صحاب الليل – عبد الرحمن رشدي
Abdelrahman Roshdy Ft.Hend Abdelhalim – Sohab El Leil
كلمات: مصطفى ناصر
الحان: عبد الرحمن رشدي
توزيع: ماهر الملاخ
المزيد من أغاني عبد الرحمن رشدي
اغنية انتي القمر – عبد الرحمن رشدي
اغنية مبقاش حواليك – عبد الرحمن رشدي
اغنية ياما – عبد الرحمن رشدي
اغنية خشي حياتي – عبد الرحمن رشدي