كلمات اغنية سكوت لأرسينِك تخلي أي حد يسمعها يحس إنه بيتكلم مع نفسه بصوت عالي، عن وجع الشارع، وضغط الزمن، والشباب اللي تايه بين الحلم والواقع. الأغنية من نوع راب واقعي وصادم، بتحكي عن جيل وسط محنة، وكل سطر فيها فيه صدق ومعاناة وصوت بيصرخ من جوه.
كلمات اغنية سكوت – أرسينِك
أنا جاي أحكيلك وأكلّمك كإنّك أنا ف الماضي
وأنا مش راض حاسس ملل مفيش أمل قصّادي
أدّيك عيّنة بسيطة م اللّي دوقته
منّا زيّك مريض مش دكتور
يا دوبي بحكيلك اللّي شوفته
كنت صبي إنّما شوفت الكلّ
محدّش في النّاس دي فلّ الفلّ
طب بصّ وطلّ ف وشوشهم غلب من كتر الذلّ
ده شرب المرّ اللّي يعلّم شاب ف طفولته يرول
اتحرم حضن الأمّ اتعلّم ف الشّارع الشّغل الحرّ
أوّل درس مش كلّ دروس الشّارع مفيدة
راجع تفكيرك حتّى لو كانت الدّافع بيهينك
اشتغل وانضف الفقر مش جدع دي عبرة نيلة
الفقر شيطان والشّارع اتخدع روح اقرأ دينك
درس اتنين تفهم الفرق بين
صاحب الشّدّة وكلب الكيف
شوفت منهم قدّ إيه
صاحب قعدة وصاحب ساعدك
لمّا احتاجته كانلك جيش
صاحب لعنة وكلب جنيه
وصاحب أعمى قلب وعين
آخر درس شروط النّجاح
يا تتكلّم بوزن يا تخلّي سكوتك سلاح
تتحرّك ف الخفا قبل ما يقصّولك جناح
الشّارع مبيحبّش حدّ ومبيعرفش حقّ
ومفهوش أصول كلّه مباح
حتّى الدّمّ مهما كان ف قلبك ذنب ولا اتخانت
مفهاش فرق
كم همّ الزّمن خلّى النّاس تتجنّ
هل مهتمّ مفيش شكوك
من غير كرامتي أنا مليش وجود
وأكيد أكرملي من إنّي أعيش ف سكوت
افتح سكّة لسّة بداية الرّحلة
الدّنيا مسيرها بتحلى
الجيل ده ف محنة
وإن جت فرصة يهج
عادي هيطير ويبيعها
بنشرب نحرق علشان نهرب نحلم
طب أمّال إمتى الضّحكة
ف زيج زاج حلوة ووحشة
مهما فشلنا نجحنا
مسيرنا نلفّ ونرجع تاني ونعيش اليوم
ميّة حاجة وعشرين مليون
ع النّت مشاهير بالكوم
هتمشي ورا مين ف دول
مين اللّي دوّر ف ذاته ولقاها
كلّها ع الشّاشة ماسكين الفون
الزّمن ده خلّا الحقيقة بيئة
والكدب متشيّك ع التّليفزيون
يا ساتر يا ربّ
أنا وإزميلي داخلين ف مطبّ
لازم أتعلّم أشيل مسؤوليّة
عشان ف سنّ التّلاتين أبقى أب
لازم الصّبر
لازم أشيل من القبض
لازم أغيّر طريقة القبض
لازم أكون متوازن قدّام الضّغط
عشان أبقالك ضهر
الأهل والحبّ يعيطوا للرّاجل
الرّاجل يعيط للشّجرة
الرّاجل لازم يبقى هضبة
الرّاجل مش محتاج لشفقة
لو خايف تتحرّك مش عارف تروح لفين
اللّي خاف التّعب أكتر من الفشل إزميلي
بيدوق الاتنين
ده الواقع والكدب ملوش رجلين
دي الدّنيا وإحنا تلاميذها
بكرة نبقى أساتذها
أنا مش بتكلّم ف السّياسة
علشان دلوقت بمارسها
عندي ميشن بنفّذها
لو مكاني كنت تزهق
على المولى رزقي ورزقك
صفّو النّيّة الدّنيا تسلك
وسّع وافتح سكّة
لسّة بداية الرّحلة
الدّنيا مسيرها بتحلى
الجيل ده ف محنة
وإن جت فرصة يهج
عادي هيطير ويبيعها
بنشرب نحرق علشان نهرب نحلم
طب أمّال إمتى الضّحكة
ف زيج زاج حلوة ووحشة
مهما فشلنا نجحنا
مسيرنا نلفّ
ونفتح سكّة
ونبدأ تاني ف الرّحلة
مسيرنا نلاقي مفاتيحها
مسيرها بتحلى
عشان الجيل ده ف محنة
إزميلي بسّ انسى نبيعها
بنشرب نحرق علشان نهرب نحلم
طب أمّال إمتى الضّحكة
ف زيج زاج حلوة ووحشة
فشلنا نجحنا
ادعيلنا ربّك يسامحنا
اغنية سكوت – أرسينِك
Arsenik – Skoot
كلمات وألحان وتوزيع: أرسينيك