كلمات اغنية كيميت للفنان المصري ارسينك بتعبر عن عودة قوية وبتتكلم عن تاريخ مصر العريق وأجداد الفنان اللي كانوا ملوك ومهندسين. ارسينك بيحكي عن فخره بأصوله المصرية وبيوعد بتغيير كبير في المستقبل. اغنية كيميت بتعكس روح التحدي والإصرار على تحقيق الحقائق وإظهار عظمة الحضارة المصرية. إليكم الكلمات كاملة ومكتوبة.
كلمات اغنية كيميت ارسينك
دى ٢٠٢٤
قَلِبة المُوزين
العُودة من جديد
مِش هَحكي بَس ف تاريخ
هَكتبه بإيدي و هيَزيد
و مِش جاي أَتكلم كتير
نِخش عَلى المفيد
إن كُنت مِتعرفنيش
أَقولك أَنا أَبقى مين
أَنا قصتي من بدري
قَبلي و من قبلي بَكثير
وَرث و بيَجري ف دَمي
يَعود إلى أَساطير
مَشكلته أَنه مُستَخبي
عِنده جناح و مَش بيَطير
أَنا أَجدادي كُبراء
من أَرض العُظماء
مُهندسين مُلوك أَرض و وُزراء
من بلد واحدة بَس ما ليها شَرِكا
و الباقي نَحت نُسخ و قِصص و خُرافات
أَنا صَحوة الجيل
دي لحظة تَغيير
عاوز أَغطس و أَجيب حَقيقتي
و البحر كبير
و مَسير كل الدنيا تَفهم الصح عَني
أَنا لون الصحراء و النيل
و بلادي رَحبة و تَسع
كل العالم هيَشهد ب اللي جاي
و الله مَعانا و صوت الحق لَسة حي
أَنا ال م.ل.ك من قبل التيجان دي
قبل التاريخ ما يِتزال و تَحريف الأَعداء فيه
واخد جينات خام من عُظمة ف دَمي
للي حَطوا عَلَم الدنيا اللي الكوكب ده قام بيه
سبع تلاف مين
قَريت ده ف كتاب مين
لا أَنا أَكبر من كدة
خد وقت أِستوعب مقامي
و اللي خَلف مَماش
مَسك ف أَصله مَسابش
هَفضل أَتكلم بالحق
و حتى لو مَريحكش
وقت كثير قَصادي
عندي كثير ف راسي
مِفكرين فَراغي طاغي
و تَفكيري فاضي
أَنا بَعرض قَواضي من غير أَسامي المَرة دي
بعد كدة أَفكاري هِتنور كل اللي طاغي
أَنا بَحزن و أَنا بَدور ف أَرضي
لما أَشوف أَثاري برا حُدود أَوطاني
دي سِلسلة بدون نِهاية بدون عُمري أَفتراضي
أَنا شاب إِنسان سَكناه أَرواح الماضي
كل العالم هيَشهد ب اللي جاي
و الله مَعانا و صوت الحق لَسة حي
اغنية كيميت – ارسينك
كلمات وتوزيع: ارسينك