كلمات اغنية شكرا ع الأوجاع للفنان بازوكا الأردني، بيحكي فيها عن وجعه من غدر الصحاب والحبايب اللي سابوه لوحده في عز ضيقته وبيوصف تعبه في الغربة وهو بعيد عن أهله وبيقول إنه اكتشف إن الدنيا بقت مليانة ناس بتغدر ومبقتش الطيبة بتنفع معاهم دلوقت عشان هو مدمر ونفسيته وحشة جد.
كلمات اغنية شكرا ع الأوجاع بازوكا الأردني
تايه في وسط جراحي مش عارف أعمل إيه
ونسيت خلاص أفراحي والهمّ خدت عليه
ماشي ومش دريان بالدّنيا حواليّا
والحزن مصاحبني متدمّرة النفسيّة
شكراً على الأوجاع يالّي طلعت بيّاع
عيّشتني في خداع مبقتش عارف أنام
وبقلبي أنا اتسلّيت علّقتني ومشيت
وأنا للأسف حبّيت والحبّ كان أوهام
حتّى صحابي الّي أنا كنت بعمري بفديهم
وقت أمّا عوزتهم معايا مش بلاقيهم
طب مين يهوّن عنّي مين يسمعني مين
وكأنّي كنت بروح لأوطى ناس وأنقّيهم
أيوه فشلت ف إنّي أعرف ناس عليها قيمة
كلّ الّي دخلو حياتي ناس مش سهلة ولئيمة
تعبوني نفسيَّاً وخلّوا الهمّ ملازمني
ذنبي إنّي طيّب والزّمن دا الطّيبة فيه قديمة
يا زمن كفاية والله اكتفيت
دا الّي دار معايا خلّاني انتهيت
أيّ حاجة حلوة عملتها اتنست
لمّا شبعوا منّي وحدي أنا اترميت
كلّ يوم ف أوضتي بكلّم الحيطان
بشكي للمراية من غدر الزّمان
طب صحابي باعوا ليه حبيبي خان
يعني كان جزائي إنّي أدّيت الأمان
في الغربة شفت كتير عمري اتسرق منّي
عايش بجرح كبير وأهلي بعيد عنّي
ف الغربة أنا اتهدّيت مالقتش حدّ أصيل
ولا حتّى مرّة لقيت حدّ يصون الجميل
الكلّ عنده حساب لا غوالي ولا أحباب
طبع الأسود غلّاب وأنا حقّي مش هيروح
دنا قلبي دمّرتوه وف وهم عيّشتوه
دا الحبّ مثّلتوه سبتوني وأنا مدبوح
حتّى الّي كنت بحبّها مكنتش حبّاني
والّي كانت حبّاني كنت سايبها بتعاني
القلب ليه مش رايد الّي بيحبّه ويصونه
ماشي ورا الّي تاعبه والّي قالوا انساني
يا قلوبنا لو بأدينا كنّا فرحنا ونسينا
والحزن عمره ما كان هيعرف الطّريق لينا
إحنا اتكسرنا خلاص يا قلبي يوم ما حبّينا
وف سكّة ضلمة يا قلبي روحنا بعدنا ومشينا
اغنية شكرا ع الأوجاع – بازوكا الأردني
Shukran Ala Al Awjaa – Bazooka Al Ordoni
كلمات وتوزيع: حمدين
المزيد من أغاني بازوكا الأردني
عايش وحيد – بازوكا الأردني
وجع الفراق – بازوكا الأردني
أنا غلطان – بازوكا الأردني