كلمات اغنية ست الدني للمطرب اللبناني مجد موصللي بتعبر عن الحزن بسبب الحرب وتأثيرها على الناس والأوطان وبتوضح وجع الفراق والعذاب اللي بيمر بيه الشعب اللبناني، مع التأكيد على العزة والصمود اللي متربين عليه. اغنية ست الدني بتجمع بين الألم والأمل، وبتوصل رسالة إن التضحية والوفاء جزء من روح الشعب اللبناني.
كلمات اغنية ست الدني مجد موصللي
ستّ الدني الحلوه حزيني اليوم
والحرب غيّرلا ملامحها
صار الفرح بكوم وهي بكوم
وبقلوب شعبا بعدو مطرحها
مافي وطن ما صابتو هزّة
عندك شعب متربّي عالعزّة
عكتف حامل دمو وماشي فيه
وعكتف حامل غصن من أرزة
هيدا البقاع القدّم ولادو
بدمن روّوا ترابك ونادو
يا مننتصر نحنا يا منموت
شعبك دفع روحو فدا بلادو
حيّو الجنوب وقدّسو صمودو
حامي لبنان وصاين حدودو
وكلشي بيفكّر يعتدي علينا
إيد الاشاوس ماحيه وجودو
اغنية ست الدني – مجد موصللي
كلمات والحان: ايفان نصوح
توزيع: رامي العلم