كلمات اغنية سد يا ماما سد للمطربة الشعبية أمينة، بتحكي عن ست قوية ما بتهابش من أي حد، وبترد بكل وضوح وجرأة على كل اللي حاولوا يهزوا مكانتها أو يقللوا من شأنها. أمينة وصفت نفسها بأنها أصل وتاريخ، واللي قدامها مجرد ناس ما عندهمش أساس. الأغنية مليانة كلمات تقول فيها “متتكلموش عني غير بإذني”، وبتوصل رسالة إن الكلمة القوية والثقة بالنفس أقوى من أي حملة أو نميمة.
كلمات اغنية سد يا ماما سد لـ أمينة
نعمل حساب لمين دي عيال بيسنّنوا
تاريخهم صفحتين وقاعدين يتكلّموا
نسيوا إن إحنا التاريخ والختم المعتمد
وعشان ياخدوا الشهادة في جامعتنا يقدّموا
تخشوا ويّا مين مقارنة
داحنا أهرامات في كارنا
وإترسمنا وإتعوجنا
لحد ما إتنحل وبرنا
واجهة من زمان ويافطة
أنظار العتاولة خاطفة
إسمي يتذكر تحطّوا
تحت منّه ألف شارطة
سد يا ماما سد
ماسمعش صوت حد
اللّي هيعمل قلق
على رجله هيتمد
سد يا ماما سد
ماسمعش صوت حد
ماتعمليش فيها حملة
وتدخلي في حارة سد
أنا داخلة أفرد جسمي شويّة
لو جالك الشوق رنّي عليّا
مش عايزين جعجعة ع الفاضي
عندي صداع ودماغي مهريّة
إنزلي من على ودني وكنّي
بطّلي كل شويّة تزنّي
مهما عملتي ومهما وصلتي
هتعيشي وتموتي بتغيري منّي
انتوا فين على الخريطة
ولّا هو شغل زيطة
الأساس بتاعكوا فاضي
طوبكوا مابيسندش حيطة
إنتوا مش في مستوانا
عشان نشوفكوا بالأمانة
إلعبوا ويّا حد غيرنا
لسّه زيّكوا في حضانة
حبّة بواقي على كمالة
وجنبي بتعانوا بطالة
وإنجازاتكوا كتاب فاضي
وتاريخكوا كلّه أوضة وصالة
حبّة فكّة في حصّالة
وأخركوا كام بوست وحالة
من كتر منّا عالية عليكوا
طالعين ورايا على سقّالة
اغنية سد يا ماما سد – أمينة
Amina – Sadd Ya Mama Sadd
كلمات: عمرو قطب
الحان: حسيني زكريا
توزيع: نوار البحيري
المزيد من أغاني أمينة
ميشغلوناش
يا مدلع
هنخربها
يا واد يا مز