اغنية ربنا استجاب للفنانة صوفيا بتعبر عن ألم الفراق وتغير المشاعر بعد الجروح. الكلمات بتحكي عن قلب كان كبير وبيسامح، لكنه وصل لمرحلة ما عادش يقدر يستحمل. صوفيا بتغني عن الليالي الصعبة والندبات اللي سابتها الجراح، وبتؤكد إن ربنا استجاب لدعوات القلب. اغنية ربنا استجاب مليانة مشاعر صادقة وقوية.
كلمات اغنية ربنا استجاب لـ صوفيا
مش طبعي أشمت حتّى في اللي جارحني
بس بدموعك قلبي ليه وإزاي كده فرحان
غيّرتني روح ربّنا يسامحك ويسامحني
خلّيتني واحده تانيه أنا مابقيتش زي زمان
قلبي الكبير مابقاش معاك بالذات كبير
مابقاش يقابل كسرتك بالرحمه والإحسان
آدي اللّيالي الصعبه سابت فيّا علامات
وجراح لسّه ليها ندبات
باصحي أفتكرها وأبات
كلّ يوم فعذاب
كانت ليالي صعبه وأنا مصدومه جدّا فيك
قلبي كان بيدعي عليك
اللي عملته يحصل ليك
وربّنا أستجاب
لو شايف أنّي ممكن أرجع تاني وأصفالك
تبقى أنت مش شايف ومش عارف رجعت لمين
في حاجات كتيره أتغيّرت أنا مش هقولهالك
مع نفسك أنت أبقى أكتشفها وحسّها بعدين
دلوقت روح علشان وجودك مش مسموح
شوفت البرود والقسوه بتوصّل لفين
اغنية ربنا استجاب – صوفيا
Sofia – Rabna Estgab
كلمات: محمد الغنيمى
ألحان: راعى
توزيع: شريف قاسم