شيلة قدوة الأبطال لخالد ال بريك، مهداة لرجل الأعمال سلطان بن لفاء الجلاوي، بتتكلم عن الفخر والعزة والكرامة. بتعبر عن شخصيته القوية ورجولته، وكيف إنه ما بيسعى للشهرة ولا المظاهر، ,بيبني سمعته على الأفعال والمواقف اللي بتثبت قيمته واحترامه بين الناس. كلمات شيلة قدوة الابطال بتوضح إنه مثال للشجاعة والعزة في القبيلة وإنه قدوة للأبطال.
كلمات شيلة قدوة الابطال خالد ال بريك
يا ليل المطر ودّان واللي وراه أعلوم
مع الناس متواجد وتبحر به أفكاره
يشوف الكرامة غالية ماهيب للسوم
ما طاوع عليها الوقت والنفس الأمّارة
ولا دوّر مقامه في الفلاشات ولا الزوم
ما دامه فرض بين الريجيل مقداره
من يهين نفسه لا يلحق زمانه لوم
لامن الزمن داره بكفّ من يساره
ماتوخذ ونعم بهرج فاضي وحبّ أخشوم
تجي بالخساير ماهي أمجرّد أعباره
ترا المال ما يخدم ضعيف العزايم يوم
وقوّي العزوم يجيبه وينفض أغباره
للأمداح وقت وللنشاما فرص وأقسوم
وانا شاعرٍ عندي من اللوّل محّاره
قصيدٍ يطير من عيون الرجال النوم
مضارب حروفه تصنع أحداث وأثاره
سلامي على سلطان منّا لدوم الدوم
فخر واعتزاز وطولنا طولة أشباره
نعلّق هقاوينا على الشامخ المزموم
ركن وأعلمٍ تشتبّ فوق العدا ناره
فخر في نفود السرّ ولا فخر فنيوم
مراجل ومجدٍ قام يمتدّ تيّاره
أمجدّد سير هذّال وأبا العلا والتوم
جماهيره الأمداح وعتيبه أنصاره
هذا قدوة الأبطال والصارم الزيزوم
ثبت وارتكى لاسمٍ ملا الكون بأذكاره
هذا سيفنا اللي لا مصدّي ولا مثلوم
هذا مدجلٍ حدّه يجرّي على الغاره
هذا قبّةٍ تذري لاجا فالعلوم أعلوم
تحتها تشوف أطلق شنب وأقدم أماره
تجي وقفته مثل الفرج فأعين المكلوم
لا ذاق الغبن واستبدل الأمن بأخطاره
يابو همٍ أكبر من جبال الهدا مخدوم
ليا جيت شرق العاصمه خذلك أزياره
على قصر مطنوخٍ عليه الحشود ردوم
يضيّق عدد زوّارته مدخل الحاره
تراحيبه تمرّ المجرّه نجوم نجوم
صداها يخلّي معنويّتك جبّاره
وتحفويه يقضي لازمك من قبل لاتقوم
تشوف العشاء فعيونه أكبر من أعذاره
ياخو غيث منجى الخايف وفزعة المضيوم
نشوفك عوضنا فأصوكٍ تحمد أذكاره
أبوك اللي طروقه لها فالرجال أوسوم
تتعب كبير العمّه متعّب أمهاره
رهاوي فعل واسمه يكحّل عيون القوم
ثلاثة حروف أثقل من الصين بأسواره
لفاء قمّة التاريخ والموقف المحسوم
وشخصيةٍ تكرارها صعب تكراره
عسى قبر أبو سلطان للرافق المرحوم
يفجّر بقبره عين عذبه وفوّاره
وربعي ليا صارت عزاوي ولطم أخشوم
كم أمجوخٍ قد صبّوا الماء على ناره
ما يصبر لا لاوعناه بمذلقٍ مسموم
لو أنّه مع صبر المهادي على جاره
من يفكّر يطول الشيابين مال القوم
ما يلقى من يشيله سوا يدين قبّاره
أهل مجدٍ مشيّد بصطوه وقو أعزوم
ركون الفخر وأدهى دواهيه وأكباره
من الابه اللي مايجي حقّها مهضوم
يوم أن الزمن مجحف والأيام جبّاره
محاديرهم تصحيك يا طبلة المنجوم
من النايف اللي يهلك الخيل مشواره
تمثّنت فقارة نجد قوّه ماهيب أعلوم
ليا هزّها الطمّاع يرجع وهو كاره
عتيبه أهل طاله وتاريخ وأهل أسلوم
ماعاشوا على التسويف والكذب والباره
شيلة قدوة الابطال – خالد ال بريك
Qudwat Al-Abatal – Khaled Al-Breek
كلمات: احمد بن غازي
اداء: خالد ال بريك
المزيد من شيلات خالد ال بريك
كلمات شيلة ليل الهجادي – خالد ال بريك
كلمات شيلة نسيم الصباح – خالد ال بريك
كلمات شيلة سم لازمك سمه – خالد ال بريك
كلمات شيلة خط النهاية – خالد ال بريك