كلمات اغنية بليز للرابر احمد سانتا بتتكلم عن الانتظار والصبر وبيقول انه خلص البوم بس لسه مخلصش ميكساج وازاي بيواجه تحديات وصعوبات في مشواره الفني، وبيتكلم عن نجاحه وثقته في نفسه وانه مش فارق معاه كلام الناس. وبيقول انه مش بيحب يبرر كتير.
كلمات اغنية بليز – احمد سانتا
أوكيه أوكيه
تخلص بس لما تقولي بليز
سينت رسالتك قبل لما رسالتي توصل
البومي خلص بس واقف عالريليز
مستني بس الميكس بتاعه لما يخلص
بعرف أنيجوشيت مش زيكوا برضى بفكة
فاتح على الخامس زي ماكون بفتح عكة
عامل زي المايه مافيش أمان فاضلي تكة
أخرة الإدمان أدي أهو موتك شكك
شكلك مش فايق عايز أيدي اللي تفوقك
مستني إيه من شخص مش بيطيقك و بيبلعك
بيقولك أنت نص خد الربع و هسمعك
أخدك على الشط و أعطشك و أرجعك
فنان في إزاي أوجعك
جاي أطلع في المنفعه مع كل كلمة طالعة و مسمعة
جاي من تحت م المعمعة
ياما جزم متلمعة كلِت عيش و متشجعة
بعد فلتة انسوا يبقوا في مرقعة
مش بوقف في انتباه چاست ماشي في اتجاه
بس رقم واحد بالنسبة للعبد لله الكونتنت
في فلوس الحمدلله
في ڤيوز الحمدلله
ده لو بتسأل يومٍ ما إني ليه في التوب تن
قولت شهر ٦ شهر ٧ أو ٨
كل لما يقدم بيحلو زي البامية
زهقت من الأغاني نفسي أعمل حاجة تانية
طول العمر في انتظار إني أعدي الفترة الجاية
مشواري أنتقالي
العيشة بقت أحسن لما سكت
و بطلت في انتقادي
عليا أنا الأجرة المرة دي
الدنيا تاكس أبيض و أسود
يعني مافيش رمادي
كَم أخطاء الماضي بكون مركز
و أنا فاضي بس كَمك لو هتُحكم
يبقى اتكلم لو أنت قاضي
حاجات بتيجي قصادي تافهة
مش هتسد أقساطي
طز في سوقكوا مش هدلدل
ولا عمري في يوم أطاطي
كل ده مش بسجله
سبت ما أنتوا بتدلدلوا
شبك في إيدي الشبك
السمك مش هنجمه
تعلالي بظهرك و اركنوا
أنا ماشي بعمي بالزينون
الفرق في يوم إني مش هكدب
أنا مصدق اللي بعمله
كلمات اغنية وبشوط – ابو الانوار واحمد سانتا
اغنية بليز – احمد سانتا
كلمات: أحمد سانتا
توزيع: حسين ياسر