كلمات اغنية قريبين

توضح كلمات اغنية قريبين للفنان أحمد دومه مشاعر الخيبة من أشخاص مقربين لم يقدروا قيمة العلاقة، مع توجيه نصيحة بضرورة التوقف عن إعادة المحاولات وترك الأوهام القديمة للحفاظ على كرامة النفس. إليكم كلمات اغنية أحمد دومه قريبين مكتوبة.

كلمات اغنية قريبين مكتوبة كاملة

ما تتَكشِفش
وإِن بَان عليك زعل ما تتَكسفش
في ناس كتير تتْسَاب ما تتْحسبش
إيديك اللي بتِخْدم ما قصَّرتش
بس ما اختَارتش

ما تتَوهّمش
خسَارة تِدي العين لقُلوب كتير عليها رمش
المَوضوع البَايخ بيِتْقفل ما يتَفهمش
عِتاب إيه تاني تعِيده؟ عيب على اللي ما اتْعلّمش
اسكُت ما تتَكلّمش

والغي فِكْرة الإِعادات
اللي تصَحِّيلك اللي فات
اللي بتِدي بُطولات لناس
ما حَطّوش طوبة في الأَساس
عشان حبَّيت؟ عشان غشِيم؟
خط أحْمر دول قرِيبين
آه عِنْدك مشَاكل في التَّمييز
بايِت في وهْمك القَديم

حنَّيت؟ ولا ملَّيت وبتِلهي نفْسك؟
بعْثر ولَم، ما أَنْت مين هيَحاسبك؟
رمِّم الصُّورة تاني عشان تنَاسبك
حِكاية حلْوة تضِيع فيها وقْتك

وتقُول آه كان ياما كان
رجَعنا تاني يا ليل زَمان
نتَبِّت في اللي ما اشْتروش
وشَغّلوا دمَاغنا بين حِطان

وتبْدَأ فِكْرة الإِعادات
اللي تصَحِّيلك اللي فات
اللي بتِدي بُطولات لناس
ما حَطّوش طوبة في الأَساس
عشان حبَّيت؟ عشان غشِيم؟
خط أحْمر دول قرِيبين
آه عِنْدك مشَاكل في التَّمييز
بايِت في وهْمك القَديم