كلمات اغنية من غير ترتيب غناء نوبي بتتكلم عن جمال الحبيبة اللي دخلت حياته بشكل غير متوقع وحسسته بالسعادة والأمل، وبتوضح إن الحب ده كان أجمل صدفة في حياته، وإنه مش قادر ينساها ولا يتخيل حياته من غيرها. المشاعر في اغنية من غير ترتيب مليانة تفاؤل وحب صادق.
كلمات اغنية من غير ترتيب نوبي
من غير ترتيب
أنا حبّيت وبشكل غريب
مين يشوف كل ده ويسيب
القمر ده يروح عادي
صدّق اللي قال الكلمة دي
كل شئ في الحبّ نصيب
ده جمال بقى إيه
أنا مقدرش أحكيلكو عليه
حلوة جدّا بنت الإيه
زي حلم جميل جاني
دي كأنّها جاية عشاني
بيقي أفوق مالحلم ده ليه
أجمل صدفة في حياتي كانت لما شوفتها
دي كأنّها خير وجالي لأ وجت في وقتها
محدّش يقدر ياخد مكانها مهما كان
الفرصة مش بتيجي إلا مرّة في الحياة
مش كل يوم نلاقي حد ونكمّل معاه
ياريتنا اتقابلنا من سنين كتير زمان
من غير أسباب
قلبي فتح كل الأبواب
القمر ده إزاي يتساب
بقى حد في الدنيا يلاقي
حبيب ينسّيه الباقي
وبمزاجه يفرّط فيه
متفائل خير
المرّة دي الإحساس غير
قلبي فرحان زي الطير
اللي طاير في العالي
إحساس جديد بالنسبالي
عمري مرّة ما حسّيت بيه
اغنية من غير ترتيب – نوبي
Nobi – Mn Ghair Tartib
كلمات: احمد جابر
الحان: علي الخواجة
توزيع: حاتم محسن