كلمات شيلة ملك عمري H]hx الوليد ال عامر باللهجة الخليجية الأصيلة، تنقل مشاعر حب عميقة بأسلوب شعري راقي. الشيلة بتصف جمال المحبوبة وتأثيرها على قلب الشاعر، من خلال تشبيهات بديعة مستوحاة من البيئة العربية. تعالوا نتذوق كلمات ملك عمري اللي بتمزج بين عذوبة الشعر النبطي وصدق المشاعر في قالب خليجي أصيل.
كلمات شيلة ملك عمري لـ الوليد ال عامر
ليّا نسنس نسيم اللّيل والقمرا تجلّت لين
دنت صوب المغيب ونقضت في صدري أحزانه
على مركاي وأسامر هدوءه والعرب ممسين
تلاحيني هواجيس الضّمير وفيض وجدانه
سبح فكري ودارت ذكرياته في ثلاث سنين
تبسّم خاطري وأزهر ضمير يبست أغصانه
لياليها سعادة، وابتسامات تسرّ العين
غدق قلبي هواها والمحاني منّه رويانه
على اللّي حبّه وقدره على ذمّة محبّة دين
تغنّي له بنات الفكر وتكوسر له ألحانه
ملك عمري بطبع فارق وخلق وجناب زين
يا لين إن كلّ غالي يرخص إن سقته على شانه
طويل معنّق وخصر دقيق ما وصل شبرين
وطول فارع وعين أشقر لا هدّ جنحانه
هنوف مشيها يقسم تبختار الغنج نصفين
جمال طاغي ولا تثني عود ريّانه
فطم قلبي وعيفه العذارا لي نهار الدّين
وحياة في الهوى من دون قربه مالها خانه
يشين الوقت وإن زانت ظروفه يجمع الحيّين
سقى الله ساعة فيها قلوب الحبّ ولهانه
وعسى غرّ السّحايب فوق داره كلّ وقت وحين
ينشي رايحه والصّبح يبدي تحت هتّانه
شيلة ملك عمري – الوليد ال عامر
Al Waleed Al Amer | Mlk Omariy
كلمات: محمد الحبابي
المزيد من شيلات الوليد ال عامر
عشاق الهوى
الذكريات
وصاله دواي
صافني بالود
بنت العود