كلمات اغنية موجوع والهم قتلني للمطرب المصري طارق الشيخ بتوضح ازاي الحزن ممكن يكسر الإنسان ويخليه يحاول يخفي دموعه وألمه. طارق الشيخ بيحكي عن تجربته مع الألم والخيانة من أقرب الناس وازاي ده أثر على نفسيته وخلاه يخاف من الناس. اغنية موجوع والهم قتلنى بتعبر عن مشاعر كتير من الناس اللي بيمروا بنفس الظروف.
كلمات اغنية موجوع والهم قتلني طارق الشيخ
موجوع والهمّ قتلني وغصب عنّي دموعي بتبان
وبحاول اداري كتير إنّي أنا مكسور وإنّي أنا تعبان
بس أنا ف الآخر بضعف أعمل إيه طب منّا إنسان
إنسان والحزن كسرني لكن مضطرّ إنّي أنا مشكيش
وبحاول إنّي أتأقلم مهما أتألّم لازم أعيش
والنبي ياعيوني بلاش الدمعة ياريت آه متفضحنيش
إنسان مات تايهة من الأحزان
شاف كلّ العذاب الألوان
خاف وإزّاي ينام قلقان
ومتوتّر
مجروح عاش لكن حلاوة روح
عايز الروح لربّه تروح
قلبه من الهمّ مش مشروخ
ده متكسّر
اللي تعبني أنا نفسيّا إنّي بفكّر ف الأحداث
وبدقّق ف التفاصيل واطلع متخان من أقرب ناس
بعديها نفسيّتي بتتعب ويزيد جوّايا الوسواس
وبدأت أخاف من الناس منّا كلّ ما أعرف حدّ جديد
مش بعرف أنام م الشكّ وكلّ شويّة الفكر يزيد
ف بقيت منطوي وبعامل كلّه أنا من بعيد لبعيد
فين قوله ممكن ألاقي أنا فين
ناس طبيعيّة أو سالكين
مين أنا ليه ما بين خاينين
وقتلوني
مقفول فوني هقفله أنا ع طول
خطّي خاصّية المشغول
قلبي مبقاش يا من دول
بيأذوني
اللّيل حبّيته بجدّ عشان اللّيل لا مش فضّاح
بيداري الدمع ف عيني ومهما يكون جوّايا جراح
بحبس نفسي أنا ودموعي وأعيط يمكن يوم أرتاح
ف اللّيل بسترجع ذكرى سرّ محدّش يعرف بيه
ف اللّيل بيجيلي أسئلة ديما قبليهم كلمة ليه
ف اللّيل بيبان الوجع اللي بشيله واللي مخبّيه
أحداث حصلت وموّتت الإحساس
جسمي مبقاش يحسّ خلاص
نفسي مكسورة آه من الناس
أنا بتقطّع
أيّام سودة زادت ف قلبي الألم
آه كان قلبي لسّه أنا خام
بس اللي أنا فيه ده حرام
مش متوقّع
كلمات اغنية متستغربش حاجة – طارق الشيخ
اغنية موجوع والهم قتلني – طارق الشيخ
كلمات: احمد حمتو
الحان: كيمو الديب
توزيع: قط كرموز