كلمات اغنية ملكيش شبيه للفنان المصري اسلام صلاح بتوصف جمال وروعة الست المصرية، وبتتكلم عن إن الست دي تستاهل كل جوائز الجمال وإن مافيش حد يقدر ينافسها. كلمات ملكيش شبيه بتوصف حب الراجل لجمال حبيبته ووصف الشعراء ليها، وإنها مفيش زيها في الدنيا.
كلمات اغنية ملكيش شبيه اسلام صلاح
لو فيه عدل وإنصاف
وأضمنلك لو نزيهة
أيّ مسابقة جمال
انتي اللّي هتكسبيها
مانتيش محتاجة تاج
ولا حتّى تشاركي فيها
ده مافيش في الدنيا واحدة
ينفع تتقارني بيها
تتقارني إزّاي بالناس
دول فالصو وانتي ماس
ولا سمر بقا ولا بيض
دول جنبك بقوا تقليد
شوفي كم المعجبين
ما هو زيّك انتي مين
قالوا من الشبه أربعين
وانتي مالكيش شبيهة
لو فيه عدل وإنصاف
وأضمنلك لو نزيهة
أيّ مسابقة جمال
انتي اللّي هتكسبيها
طب تعرفي لو بإيدي
كنت أمر من مكاني
الشعرا هيوصفوكي
في كلّ كلام الأغاني
سحرك دلعك وشياكتك
يتدرّسوا في المدارس
كنت أقفل باب عليكي
وهعيّن قلبي حارس
ده أنا متثبّت مخضوض
دايب في جمال العود
ده كأنّه قوام مانيكان
يا جماله عليه الفستان
نوعك ما بقاش موجود
ونجيب يا حبيبتي شهود
وأفرش ع الأرض ورود
للخطوة اللّي تخطيها
لو فيه عدل وإنصاف
وأضمنلك لو نزيهة
أيّ مسابقة جمال
انتي اللّي هتكسبيها
تفاصيل اغنية ملكيش شبيه – اسلام صلاح
Malkish Shabeh – Islam Salah
كلمات: لؤي الجوهري
الحان: لؤي الجوهري
توزيع: شادي ديفيد