كلمات اغنية محسبتهاش من ألبوم (محسبتهاش) للفنان رامي جمال تعبر عن لحظة وضوح بعد خيبة، وعن قلب اتعلم الدرس بعد ما اتكسر من حب ما كانش على قد النية. الأغنية توصل مشاعر القوة بعد الانكسار، والقرار بعدم الرجوع مهما حاول الطرف التاني يبرر. فيها واقعية وهدوء، وكأن الوجع اتقال خلاص ومابقاش له مكان. لو حابب تطلع على كلمات اغنية محسبتهاش مكتوبة بالكامل، تلاقيها هنا.
كلمات اغنية محسبتهاش لـ رامي جمال
وفّر كلامك
مش وقته كلّ إلّي إنت جاي بتحكي فيه
ومفيش فضول أسأل وأقول أذيتني ليه
الوقت فات حاول تعيش
إيه إلّي جابك
مابقاش يأكل عيش خلاص دمع العينين
القسوة وحشة وإنت بردو قسيت سنين
وفيه حاجات ما بتتنسيش
محسبتهاش
ولعبت لعبة للأسف مكسبتهاش
قلبك يعوّضني دي صعبة مهما عاش
شكراً عشان فوّقتني
إنسى إلّي كان
علشان حبيب دلوقتي غير حبيب زمان
أنا قلبي ضاع منّي ومعرفلوش مكان
فمفيش دموع هتهزّني
هو إنت مالك
فاكرها سهلة أو تتحلّ بكلمتين
شوفت إلّي بيسيب قلب حبّوه بيبقى فين
أصبر عشان هتشوف كتير
أنا قولتهالك
إنّ القلوب في الدّنيا دي مالهاش ضمان
مش تبقى يعني بتإذي فيّا وأقول كمان
أدّي الأمان لو شوفت خير
اغنية محسبتهاش – رامي جمال
Ramy Gamal – Mahsbtahash
كلمات: هاجر نبيل
ألحان: علي الخواجة
توزيع: وسام عبدالمنعم
المزيد من أغاني رامي جمال
قبلت التحدي
بعدك أذاني
روحي عليك بتنادي
تيجي نرجع
كلام عيب يتحكي