كلمات شيلة محازم الشدة أداء فهد بن فصلا تنقل إحساس الوفاء والفخر بالرفقة الطيبة والرجال اللي يشيلون المواقف الثقيلة وقت الشدة. الشعر بدوي أصيل، غني بالوصف والجزالة، وبيحكي عن مواقف ولّا، ومجالس عامرة بالطيب والمرجلة، نابعة من تاريخ مشرف وأصالة. لمحبي الشيلات الحماسية والمعاني الصادقة، تفضل هنا كلمات شيلة محازم الشدة مكتوبة وكاملة.
كلمات شيلة محازم الشدة لـ فهد بن فصلا
البارحة عيّا يجيني النوم وأخطيت المبات
والصدر من كثر التفاكير الطواري تدهّله
قامت تراوده التفاصيل القديمة والجهات
إن مرّة الشوق اقتله وإن مرّة الولف اقتله
ماهيب معقولة ثلاث أيّام أحط ملاحظات
البيت الأوّل انقضه والبيت الآخر أفتله
الشعر مرسى الشاعر المبدع في حبك المفردات
يرسم تفاصيله ويكتب القصيد ويرسله
كثّرو شواعير النبط في تويتر وفي سناب شات
هذا يغنّي من حزن نفسه وهذا من وله
والشاعر اللّي يرسم إحساسه عشان المترفات
ماهوب منصى للمواقيف الكبار المعضّله
أمّا نعس عينه عشان أم العيون النّاعسات
والّا كتب له شعر مايسمع ولا حدن ينقله
وأنا ليا جات المهمّات الكبار المعضلات
أقف وأعد الشعر فالماقف وأحل المسأله
لعيون أبوسلطان ركّبت البيوت النّادرات
ماني بلاحق له جميلن قام فيه وجمّله
له الجناب الدّمث والرّاية في روس النّايفات
الطيّب أله والجود له والفعل أله والصّيت أله
وقف معي في علاجي الخارج زبون الكايدات
وهو بعد في علاج ومرافق وعنده مشكله
ماصدّ من وجهي يوم إن علومنا راحت وجات
عزّالله إن بينك وبين الطيّب يامحمّد صله
أنت الحزام اللّي يشدّ به الضّهر فالنّايبات
أمنين مالقيت وجهي فاللّزوم أحصله
في مناسبتكم عندي اللّيلة أعزّ مناسبات
والله مدري ويش أجازي وأنت راعي الأوّله
يامرحبا ترحيبة ماجات فيها مهاترات
ترحيبةً فيها طناخة جود وفيها مرجله
ياضيفنا قدّمك أرجالن طيّبهم على ثبات
اقلط على اللّي تفعل وتستاهل اللّي تفعله
العود الأزرق والشّحم والباقيات الصّالحات
على ضيافة عود فيه من الطّناخة أحفله
في حلّت اللّي يفعل الواجب لاجات الموجبات
على مواجيب النّشاما دايمن فيه أعجله
اسم جعفر أنقدّمه بالطّيب بدون مقدّمات
الشّايب اللّي عند ربعه له مكان ومنزله
ياجعل يبطي حي ماجاته صواديف الحيات
اللّي يمينه مطلقة واللّي فعوله مذهله
من آل زيد أهل الفعول النّادرات المعجزات
محازمن فالشدّة ومكارمن فالمرجله
على الخوي اللّي يخاويهم مثل سكّر نبات
وعلى العدو يعقلون أرجيله قبل اتجندله
تقرا عليه الفاتحة تقرا عليه النّازعات
وتزلزله من قبل لاتقرا عليه الزّلزله
كبيرهم لامن وقف مثل الجبال الرّاسيات
وصغيرهم يقبل على راس العقيد وينطله
هواجرن والى ركبنا في ضهور المسرجات
خيولنا لادقّت السّاعة ماهيب محجّله
أفعالنا بين الكواكب والنّجوم المرقبات
وأمجادنا في صفحة التّاريخ دوم مسجّله
خلّان أشدّه فالسّنين الحاضرة والأوّلات
مافيه دارٍ ماوطينا فوق ضلعه وأسهله
حتّى العشاير ماعليها خوف لاراحت وجات
في ضفنا ترى الخطر وفي كلّ قاعن تنزله
شيلة محازم الشدة – فهد بن فصلا
Mahazem Al Sheddah – Fahad Bin Fasla
كلمات: عايض الهاجري
المزيد من شيلات فهد بن فصلا
من تحدى
فديت
حبيب العمر
فاتن دمه سعودي
اشارات المرور