اغنية لم عشمك للفنانة المصرية سوما بتعبر عن مشاعر قوية وصادقة وبتوضح ازاي الشخص بيكتشف قيمته الحقيقية بعد تجربة مؤلمة. بتتكلم عن الفراق والخذلان وازاي الشخص بيقرر يبعد عن اللي ما يقدرش قيمته. الاغنية بتقول إن المسامح مش دايمًا كريم، وإنه أحيانًا الأفضل إنك تقفل الباب وتبدأ من جديد. كلمات اغنية سوما “لم عشمك” بتعكس مشاعر الحزن والقوة في نفس الوقت.
كلمات اغنية لم عشمك سوما
كلمتينك دول بلاهم خليهملك
وإعرف إنك مش هتلقى حبيب يدوملك
كل لحظة قرب منك عرفتني
إن أنا أجمل كتير من إني أكونلك
لأ لعلمك المسامح مش كريم
جيتلي منهي كسرتني ومشيت سليم
والنهاردة عايزني أسوي حساب قديم
انت مش فاهم غلط ده انت في نعيم
قفل كلامك ولم عشمك ده من قصادي
مالكش عندي مكان في بكرة ولا شوق لماضي
مالكش حب ولا حتى كره أنا قلبي فاضي
من أي إحساس جمعك بيا
مالكش عندي ومالكش فيا
ألمي فيك فوق العتاب فوق الدموع
وانت بتسيب إبقى سيب نقطة رجوع
ده انت كان قلبك حجر وماصانش خير
وأما قال يا خصام فجر وعمل كتير
اغنية لم عشمك – سوما
كلمات: صابر كمال
ألحان: محمد يحيى
توزيع: وسام عبد المنعم