كلمات اغنية ليه ساكت لـ شيماء المغربي بتكشف حالة تعب داخلي لشخص هادي وقليل الكلام، وبتبين صراعاته وجروحه اللي كبّرته قبل أوانه، بين حلم تعثر واكتئاب ووحدة جلد للنفس، وتدعوه يسمع صوت العقل، يرضى بنصيبه، ويلحق نسخة زمان اللي وحشاه.
كلمات اغنية ليه ساكت – شيماء المغربي
ليه ساكت ودايماً قليل الكلام
وماسك في جملة كويّس تمام
مداري بهدوئك
صراعك حروبك
سلامك في حربك
وحربك سلام
في عينك حكاوي وقصص كتير
وشايل وشكلك معبّي بضمير
وباهت ومطفّي
وواضح في صفّي
أكيد إنت من اللي طموحهم كبير
وحلمك جه يلمح ظروفك فغاب
وفاجأك وخلّاك مريض اكتئاب
بتنزف وشكلك مكبّر في عمرك
ملامحك مسنّة في سنّ الشباب
وعايش تضيّع في وقت وسنين
هتهرب لإمتى وهتهرب لفين
بتوجّع في قلبك وتجلد في نفسك
وعمرك بيجري ماعشتش يومين
يا ريتك بتشكي بتصرخ تقول
يا ريتك تفكّر وتعرض حلول
يا ريتك تسيبك
وترضى بنصيبك
يا ريتك بتقبل كلام العقول
تراكم جروحك مخلّص عليك
مدمّر حياتك مكتّف إيديك
ده حلم اللي سابك تضيع
لمّا سابك وضعت لمّا سابك وشمّته فيك
فين إنت بهزارك وفين اللي كان
ليه طلّة وحضوره بيملى المكان
فين إنت وشقاوتك وروحك وعِندك
أكيد إنت واحشك بنسخة زمان
حاولت وعافرت وأمّنت وسعيت
سرحت بخيالك في واقع صحيت
بتقسى وهتقسى ولا يمكن هتنسى
تعبت ويا ريتك يا ريتك لقيت
اغنية ليه ساكت – شيماء المغربي
Leh Saket – Shaimaa Elmaghrapy
كلمات: مبارك كمال
الحان: زياد وائل
توزيع: خوليو
المزيد من أغاني شيماء المغربي
يا زينة يا نصيبي
إجابة السؤال
ست البنات
شوفت بكفاية
قولت نبعد