كلمات اغنية ليه عملتي كده لزياد الدساس بتعبر عن وجع الخيانة والحيرة بعد نهاية علاقة كان فيها أمل وحب كبير، لكن انتهت بجرح صعب ونهاية غير متوقعة. الأغنية فيها كلام جريء وصريح عن الصدمة والأسئلة اللي بتدور في دماغ أي حد اتعرض لنفس الموقف.
كلمات اغنية ليه عملتي كده لزياد الدساس
مبقتش أحسّ بحاجة الظّاهر إنّ قلبي تلّج
لسّه بتهته ولسّه في الكلام بتلجلج
الإحساس والشّعور معدوم وكأنّي بعيش متبنّج
كلّه قالك زياد ده حبّك عمره ما يعمل زيّك
شغلتي في وقتي وخدتي مساحتي
كنت مخلّيكي فوقي بالرّغم إنّك أصلاً تحتي
كنت معلّيكي فوقي شوفي بعدي كده ارتاحتي
قولتيلي هتبقي جمبي أنتي فين دلوقتي
غيّرتيني وحوّلتيني فرّحتيني وموّتيني
عشّمتيني وجرّحتيني وفي حبّك طلع ميّتيني
ثبّتيني وخلّيتيني شايفك أنتي كلّ سنيني
وكلّمتيني وقولتي إنّك هتسيبي بجدّ ضحّكتيني
بأمانة قلبي يستاهل خيانة
ده جرحك اللّي في قلبي ملوش علاج في أجزخانة
ده حبّ لا ستوب أنا كنت أسبتن وسدّ خانة
ليه يا قلمي بتكتب عنها هي خلاص بقت سايبانا
ليه عملتي كده ردّي عليّا وقوليلي
متبعديش وشك بصّيلي يلّا وفهّميني
عشان بهتمّ بيكي زهقتي منّي ومن تفاصيلي
عرّفيني هو أنا معرفتش أخلّيكي تحبّيني
طب ليه عملتي كده ما كان ممكن ننهيها
أنا كنت حاجة من ضمن الحاجات اللّي بترميها
أنا كنت ذكرى في خانة ذكريات لازم تنسيها
طب فرحتك في حضني إزّاي عرفتي تمثّليها
كان نفسي القصّة تكمل زيّ ما كنت حاسبها
مكنتش يوم أتخيّل إنّي هقدر أقول أسيبها
كنت عيلتها وقت ما كلّه اتبرّى منها
كنت منها أنا كنت أبوها مش حبيبها
كنت بطمّنها في كلّ مرّة كانت تلجألي
ده أنا اتحدّيت عشانها كلّ العالم حتّى أهلي
ده أنا اللّي كنت آمانها وقت ما كانت كلّ زعلي
واللّي قتلني زمانها أكيد بتقوله زيّ ما اتقالّي
معقولة عياطها كلّه ده كان تمثيل
طب والدّموع دي كانت يعني دموع تماسيح
بإيدها قتيل بقيت عايش زيّ التّماثيل
وبدون تجريح أنا اكتشفت إنّ أنا في الحبّ ميح
كنت مغفّل معاها ببني في المستقبل
بقبل وأقبل وأزعل وأدبل
تغيب وأنا أهبل عليها بسأل
أنا كان نفسي بس إنّ احنا نرجع زيّ الأوّل
ليه عملتي كده ردّي عليّا وقوليلي
متبعديش وشك بصّيلي يلّا وفهّميني
عشان بهتمّ بيكي زهقتي منّي ومن تفاصيلي
عرّفيني هو أنا معرفتش أخلّيكي تحبّيني
طب ليه عملتي كده ما كان ممكن ننهيها
أنا كنت حاجة من ضمن الحاجات اللّي بترميها
أنا كنت ذكرى في خانة ذكريات لازم تنسيها
طب فرحتك في حضني إزّاي عرفتي تمثّليها
آسفة ده قلبي مش كوباية قهوة
شوفت منك قسوة وأنا في نظر غيرك أسوى
سألتك ليه كلّمتي غيري وكان ردّك مفاجأة
طالما احنا سيبنا بعض يبقى خلاص ملكش دعوة
لأ دي بجدّ حجّة هبلة وفاشلة
تقولها أيّ واحدة خاينة عشان ترجع لمكانها
وأنا سامحت وعدّيت مع إنّي اتجاب العيب عليّا
وأديكي أهو نجحتي في تغييري لكن للأسوأ
هنسى لو هعرف أنسى أديني أمارة
خسارة تجرّ خسارة سجّارة بتتلحم في سجّارة
تعبت بجدّ من كتر ما بعرف ناس غدّارة
ظلمت ألف شهد عشان معرفتش أنسى تمارة
مع إنّها ما تستاهل قابل يلّا قابل
حبّ وصون واتنازل وأمّا تموت هتطلع برضو القاتل
فوّت ع العقل أنا حاجات ميفوتهاش العاقل
بس عادي محدّش اتعلّم ببلاش ومحدّش كامل
ليه عملتي كده ردّي عليّا وقوليلي
متبعديش وشك بصّيلي يلّا وفهّميني
عشان بهتمّ بيكي زهقتي منّي ومن تفاصيلي
عرّفيني هو أنا معرفتش أخلّيكي تحبّيني
طب ليه عملتي كده ما كان ممكن ننهيها
أنا كنت حاجة من ضمن الحاجات اللّي بترميها
أنا كنت ذكرى في خانة ذكريات لازم تنسيها
طب فرحتك في حضني إزّاي عرفتي تمثّليها
اغنية ليه عملتي كده – زياد الدساس
Zeyad El-Dassas – Leh Amlty Keda
كلمات وتوزيع: زياد الدساس
المزيد من أغاني زياد الدساس
اش اش
تدفع كام
علشان خاطري
عمر جديد
كده ارحم