كلمات اغنية كتاب مفتوح للفنان مصطفى كامل بتعبر عن خيبة أمل قاسية بعد علاقة اتصدمت في نهايتها. الأغنية حزينة وبتحكي عن شخص كان واضح وصادق في مشاعره، بس اتقابل بالجحود والاتهامات. الأسلوب في الكلام فيه عتاب موجوع وكبرياء في نفس الوقت، وكأن القلب بيقول “كنت كتاب مفتوح، بس للأسف اتقريت غلط”.
كلمات اغنية كتاب مفتوح لـ مصطفى كامل
أنا عشت طول عمري معاك كتاب مفتوح
وأنا فرحان وأنا زعلان وأنا مجروح
بلاش تطلّعني وحش وبدل ما صوتك يترعش
قولها لي بكلّ وضوح
أنا القلب اللّي دلوقتي خلص دوري وخلص وقتي
بقيت شايفني كلّي عيوب
أنا القلب اللّي كان متعاذ، كان شفّاف أوي وإزاز
جاي بتحدفه بالطوب
بلاش تِرميني بإتّهامات، حقيقتك واضحة آهي وباينه
عشان إنت ضميرك مات، شايف كلّ البشر خاينه
يلا روح زيّ اللّي راحوا، مع السلامة
م النهارده مفيش عتاب ومفيش ملامة
أنا اللّي ياما اتقالي: ده إنت القلب والحب الجميل
واتقالي: إمتى يلفّ بينا العمر وأنا أردّ الجميل
دلوقتي بس بقيت وحش، وبقيت خلاص منفعش
وشايفني حمل تقيل عليك، متشكرين يا أصيل
أنا نفسي بسّ أعرف بجدّ، أنا إيه اللّي صغّرني في عينيك
هو الحنان والحبّ كتره عملني لعبة بين إيديك؟
أنا مش حزين، فُراق قليل الأصل ما بيوجعش
روح يالا للّي يشبهك، مبروك يا سيّدي عليك
يلا روح زيّ اللّي راحوا، مع السلامة
م النهارده مفيش عتاب، مفيش ملامة
اغنية كتاب مفتوح – مصطفى كامل
Mostafa Kamel – Ktab Maftoh
كلمات والحان: مصطفى كامل
توزيع: طه الحكيم
المزيد من أغاني مصطفى كامل
قولولي مبروك
العيب عليا
وانا بتفرج
إسكت
وجع قلبي