كلمات اغنية كل ما اقول هتغير غناء ادم البنا وابن طارق بتحكي عن إحساسه بالوحدة والغدر من الناس اللي حواليه، وإنه كل ما يحاول يتغير بيرجع لنقطة الصفر. اغنية كل ما اقول هتغير بتتكلم عن صعوبة الحياة وتحمل المسؤوليات لوحده، ودعاءه لربنا عشان يحس بالقبول ويقدر يعدي الصعاب.
كلمات اغنية كل ما اقول هتغير ادم البنا وابن طارق
كل ما أقول هتغير برجع تاني لنُقطة صِفر
كل ما أصدق حد بيطلع كل كَلامه كِدب
كملت لوحدي وعيشت عَقلي تَعبني قتلني الفِكر
وعشان أقدر أداوي جُروحي محتاجة مِية كُلية طِب
يا دُنيا جاوبيني على أسئلتي ليه تَفكير البشر كلها بقى ضِدي
وأنا ماشي فيها ع قد ما قَدرتي باسمي وسيرتي ده كل ما مَلكي
يا ليل يا عين يا عين يا ليل في الدنيا ديا أنا شُفت الوَيل
مكنش ليا صاحب وزَميل وشِلت ياما أنا حِمل تَقيل
شِبعت خَبطات كِلت مَطبات طالع م قلب الحارات حِلمي أكون في السما إستار
أحب المشي دُغري أحب الإنتظام كاشح كل الحَوارات أقطم ع الكَلام خَلاص
أنا زي الجِبال دايماً ع الثَبات عندي
مَبدأ في الحَياة وكل ده بفَضل الله
مش بندم ع اللي ساب بحسب الحِساب
سِني صغير عَقلي ميزان مش بخيب لو كله خاب
اللي باعونا من زَمن بُكرة لينا تاني هيرجعوا
وهيدفعوا دوبل التَمن وبالدم يجوا يدمعوا
يا دُنيا جاوبيني ع أسئلتي ليه تَفكير البشر كلها بقى ضِدي
وأنا ماشي فيها على قد ما قَدرتي باسمي وسيرتي ده كل ما مَلكي
يا ليل يا عين يا عين يا ليل في الدنيا ديا أنا شُفت الوَيل
مكنش ليا صاحب وزَميل وشِلت ياما أنا حِمل تَقيل
دايماً بدعي رَبنا وأقول يارب اجعل فيا القَبول
مَحبوب من طوب الأرض أكمني حَريف جَدعنة قَدرجي أصول
ولو مَعرفة الرِجال كُنوز
اللي عارفني أكيد مَحظوظ
حُب الناس ده نِعمة آه
والنِعمة مش كل الرِزق أصاحبي فُلوس
يا دُنيا جاوبيني على أسئلتي ليه تَفكير البشر كلها بقى ضِدي
وأنا ماشي فيها ع قد ما قَدرتي باسمي وسيرتي ده كل ما مَلكي
يا ليل يا عين يا عين يا ليل في الدنيا ديا أنا شُفت الوَيل
مكنش ليا صاحب وزَميل وشِلت ياما أنا حِمل تَقيل
اغنية كل ما اقول هتغير – ادم البنا وابن طارق
Adam El Banna & Ibn Tarek – Kol Ma A’ol Hatghyar
كلمات: حسين جمال
الحان: مصطفى سلطان