كلمات اغنية خليني معاك للفنانة تانيا قسيس بتعبر عن حالة حب ناعمة وعميقة، فيها شوق وتمسك بالشخص اللي غير الحياة كلها. الأغنية رومانسية بإحساس راقٍ وكلام بيرسم صورة لعاشقة لافتة عمرها الحقيقي بدأ من لحظة لقاه. كل كلمة في اغنية خليني معاك بتحكي قد إيه وجوده بقى هو الأمان، وهو المعنى الحقيقي للدنيا.
كلمات اغنية خليني معاك لـ تانيا قسيس
هلاقي تاني زيّك إنت فين؟
هو إنت ممكن تيجي مرّتين؟
لو هحكي مرّة حاسّة إيه
واللي إنت بتعيّشني فيه
محتاجة عَ السنين كمان سنين
خلّتني أقول كلام جديد
وألمس قمر عالي وبعيد
كان قلبي فين؟ وراح معاك لفين؟
خلّيني معاك
ده أنا وياك بتعلّم أعيش أجمل إحساس
من يوم ما قابلتك وإنت بقيت في عينيّا الدنيا وكلّ الناس
خلّيني معاك
ده إنت إن غبت في يوم عن العين، تفضل في البال
ده أنا مهما هقول، هافضل جوايا كلام لعينيك محتاج يتقال
بيتوه كلامي منّي قصاد عينيك
ومنِين هجيب كلام يليق عليك؟
ده أنا قلبي قبلَك إنت كان
مالهوش ما بين الناس مكان
وجيت، لقيت مكانه بين إيديك
جيت لي وخلاص بقيت هنا
ومليت لي عمري بالهنا
واتّاري قلبي مكتوب له يلاقيك
خلّيني معاك
ده أنا وياك بتعلّم أعيش أجمل إحساس
من يوم ما قابلتك وإنت بقيت في عينيّا الدنيا وكلّ الناس
خلّيني معاك
ده إنت إن غبت في يوم عن العين، تفضل في البال
ده أنا مهما هقول، هافضل جوايا كلام لعينيك محتاج يتقال
اغنية خليني معاك – تانيا قسيس
Tania Kassis – Khallini Maak
كلمات: مصطفى ناصر
ألحان: عمرو مصطفى
توزيع: فادي إبراهيم