كلمات اغنية كفاياك تعبت للفنانة إيناس عز الدين من الأغاني اللي بتتكلم عن نهاية علاقة حب بسبب الأنانية والاستغلال. الأغنية بتوصف قرار البنت إنها تنهي العلاقة بعد ما تعبت من التنازلات من طرف واحد. خلينا نشوف كلمات كفاياك تعبت مكتوبة وكاملة ونشوف إزاي إيناس عز الدين عبرت عن لحظة القوة والقرار الصعب.
كلمات اغنية كفاياك تعبت لـ إيناس عز الدين
كفاياك تعبت معاك شبعت حجج ومبرّرات
ده لحدّ أمتى عايزني اقدّم لك ف تنازلات
مابقاش فيه حاجة بتتعمل ويّاك مابعملهاش
كلّ اللّي هامّك ترضي نفسك مهما ليك اتقال
الحبّ عمره ما كان كده بالشّكل ده استغلال
ومدام نهايته هنفترق أنا تاني ماستنّاش
بالنّسبالي
مابقاش فيه حاجه بتربطنا وعليها بخاف
ده طبيعي الواحد يتغيّر من كتر ما شاف
وأنا اموت أسهل من إنّي ارجع تاني وأحبّك
صعب أنا تاني
اتعشّم إنّك تتغيّر وف وهم اعيش
اتعذّب ليه وأنا بستنّى ف حاجه مابتجيش
ده مفيش ولا حاجه هتجبرني أكمّل جنبك
أكتر من اللّي معاك عملته اعمل معاك تاني إيه
ولا انت حدّ مسلّطك على قلبي ف بتأذيه
ضاع عمري جنبك واتسرق ابعد وسيبني اعيش
من كتر جرحك واللّي شوفته لقيتني فجأه قوّيت
بقى سهل ابعد واخسرك من قلبي أنا استغنيت
حبّك ده كارت واهو اتحرق انت ماحبّتنيش
اغنية كفاياك تعبت – إيناس عز الدين
Enas Ezz Eldeen | Kefayak T3ebt
كلمات: محب غبور
الحان: عمر عادل
توزيع: محمد ياسر