كلمات اغنية عزة نفسي للفنانة المميزة صاحبة الصوت الرائع نداء شرارة بتحكي عن شخص قرر يحافظ على كرامته وينهي علاقة مؤذية رغم حبه. الاغنية بتعكس مشاعر الحزن والعزيمة على عيش حياة بكرامة وراحة نفسية، والتمسك بالكرامة بيكون أهم من الحب اللي بيؤذي. اليكم الكلمات مكتوبة وكاملة.
كلمات اغنية عزة نفسي نداء شرارة
عِزّة نفسي بتمنعني
أكمل في حكاية بتأذيني
وعشان بحبّك يعني
تمحي وجودي وتلغيني
ماعنديش لا إيد توجعني
ولا جرحك ليا هيرضيني
ويهون الحبّ عادي
ولا أشوف كرامتي مبعترة
مش عايزة أعيش حياتي
حاسّة نفسي صغيرة
هخسر عادي المرّة دي
وماخدش خطوة لورا
كرامتي غالية عندي
وأغلى منك بالأمانة
عادي هقبل بالوداع
بس مش هقبل إهانة
وروح الله يجازيك
ماعدش ليك أي مكانة
أنا راحتي أهم عندي
وقلبي راح وماعدش باقي
أنا زيّي مش كتير
وكتير زيّك نلاقي
مافيش بنا نصيب
ناويت أسيب ده قرار نهائي
سهلة أعوّض حبيب
صعب تاني أصنع كرامة
مش فارقة مين يسيب
جه فراقنا بالسلامة
الحبّ ده نصيب
وحبايب فرّقوا ياما
الحبّ ده اهتمام
مش خناق طيّب وحاضر
سهل أجرح في الكلام
وأكسرلك ألف خاطر
أنا نفسي أعيش في سلام
مش كل يوم هخاطر
كرامتي غالية عندي
وأغلى منك بالأمانة
عادي هقبل بالوداع
بس مش هقبل إهانة
وروح الله يجازيك
ماعدش ليك أي مكانة
اغنية عزة نفسي – نداء شرارة
Nedaa Shrara – Karamti Ghaliya
كلمات: عبد الرحمن ابراهيم
الحان: محمود حسن
توزيع: هشام البنا
المزيد من أغاني نداء شرارة
كلمات اغنية حوش الدلع – نداء شرارة
كلمات اغنية ودع كل شي – نداء شرارة
كلمات اغنية شكرا يا معلمي – نداء شرارة
كلمات اغنية ومعاك – نداء شرارة
كلمات اغنية طمنها – نداء شرارة