كلمات اغنية اقرأ بيغنيها الفنان المصري ابو ومعاه الطفل مصطفى قدورة إهداء من مبادرة تحدي القراءة العربي للوطن العربي. الاغنية بتوضح أهمية العلم والمعرفة، وبتتكلم عن نور القراية وتأثيرها على الحياة، وبتعلمنا إزاي نفهم ونتقدم من خلال العلم. بتحكي عن قوة القراية في فتح المدارك والوصول للمعرفة اللي بتبني العقل. كلمات اغنية اقرأ بسيطة ومعبرة وبتخليك تحس بقيمة العلم والتعليم في حياة الإنسان.
كلمات اغنية اقرأ ابو ومصطفى قدورة
القراية نور
جهلك أرض بور
القراية نور
إفتح المدارك
القرايه نور
اتهجى السطور
بحر المعلومات
ده جواز المرور
ممكن تطلع رحلة تسافر وأنت معايا
لفّ الدنيا وعيش الماضي وفوز بالحاضر
واللي اتقالك اقرأ يعني السرّ قراية
تفهم توصل فوق للسما وتقول أنا قادر
قالو العقل زينة
هقرا لابن سينا
واقرأ للكسائي
علمه في النحو باقي
والفتح الربّاني
لعبد القادر الچيلاني
والأحلام لابن سيرين
نجيب محفوظ بين القصرين
ممكن تطلع رحلة تسافر وأنت معايا
لفّ الدنيا وعيش الماضي وفوز بالحاضر
وأنت معايا وأنت معايا واقرأ
لمّا تحبّ تحقّق حلم
أياً كان حقّقه بالعلم
دي ثقافة عليها عامل اقرأ
تتعلّم تتعامل اقرأ
هتفتح أبوابك بكره
عقلك يتبني كامل
قالو العقل زينة
هنقرا يلّا بينا
قول العلم باق والكتب دول أصدقائي
تاريخ أدب سياسة
هي دي الخلاصة
اقرأ قديم اقرأ جديد
كلّ ما نقرا بنعلا نزيد
ممكن تطلع رحلة تسافر وأنت معايا
لفّ الدنيا وعيش الماضي وفوز بالحاضر
وأنت معايا وأنت معايا واقرأ
تفهم توصل
فوق للسما
وتقول أنا قادر
اغنية اقرأ – ابو ومصطفى قدورة
كلمات: أيمن بهجت قمر
ألحان: محمد يحيى
توزيع: key66 productions