كلمات اغنية هو اللي نسيني غناء بسمة بوسيل بتعبر عن مشاعر ألم وفراق صعبة، الأغنية حزينة بأسلوب مؤثر، بتحكي عن الوحدة والحنين لشخص نسيها بينما هي لسه عايشة على ذكراه، بسمة بوسيل بتوصف بكلماتها الإحساس بالخسارة والحيرة من الماضي اللي بيجري منها، تعالوا نقرأ كلمات “هو اللي نسيني” كاملة مكتوبة.
كلمات اغنية هو اللي نسيني لـ بسمة بوسيل
ف الأوّل قولت هاترجعلى
أو هرجع بعدك م الأوّل
قولت يا هاتحنّ يا ف الغالب
هنساك ومشاعري هتتحوّل
مقلقتش عكس م أنا اللّيلة
قلقانة بدوّر على حيله
على أيّ طريقة تنسيني
الخوف م الوضع ده لو طوّل
هو اللّي نسيني ومش فاكر وأنا مش بنساه
مابجيش على باله وعلى بالي أنا كان العكس
يا خسارة بيجري من الماضي وأنا بجري وراه
هو اللّي بيضحك وأنا بضحك على روحي وبس
عدّوا الأيّام يوم ف التّاني
وأنا لسّه وحيدة وبتألّم
وما بيني وبيني بقول لازم
هاتحسّ لايمكن تتحمّل
شكلي اتغيّرت فيّا يوميها
ضيّعتك منّي وبعديها
أنا ضعت ياعالم هلاقيني
إزاي وإزاي بس هكمّل
هو اللّي نسيني ومش فاكر وأنا مش بنساه
مابجيش على باله وعلى بالي أنا كان العكس
يا خسارة بيجري من الماضي وأنا بجري وراه
هو اللّي بيضحك وأنا بضحك على روحي وبس
اغنية هو اللي نسيني – بسمة بوسيل
Bassma Boussel – Hwa Elly Neseny
كلمات: جمال الخولي
ألحان: محمد خلف
توزيع: أنور عمر
المزيد من أغاني بسمة بوسيل
يا خسارة
في شرع مين
لا ثواني
قادرين يا حب
هبدأ أعيش