كلمات اغنية حب كان هموم للمطرب المميز فريد بيكلم فيها عن حب مليان مشاكل وهموم، وإنه قرر يبعد ويبدأ حياة جديدة بدون الحبيب اللي خدعه وكذب عليه. بيعبر عن عدم رغبته في الرجوع ويقول إنه نسي كل حاجة بينهم. اغنية فريد حب كان هموم بتركز على الإحساس بالقوة والاستقلال بعد علاقة مؤذية وعدم وجود أي حاجة تستحق التذكر.
كلمات اغنية حب كان هموم فريد
حب كان هموم عمرنا فيه اتقصّف
كدب كل يوم توهنا فيه للأسف
وأما جيت تلوم وقتنا كان أزف
جرح عيشت فيه
يبقى ليه يا ترى أمشي تاني ليه
وأنسى اللي جرى
جاي تقولي ليه كلمة متأخّرة
بعدنا كلمة ده وقتها
كان بنا وانتهى سكّة وقفلتها
وأنا اكتفيت
لو جاي تبيع شوفلك غيري
مابقتش مشتري كتّر أوي خيري
ياما اشتريت
مش لاقي ليك ماضي يتشكّر
ولا حاجة تتذكّر لو جايلي تفتكّر
فأنت اتنسيت
إحنا خلصانين ضاع خلاص وقتنا
كان طريق حزين توهنا فيه منّا
مين يقول لمين إيه اللي جابنا هنا
صعب يوم كمان خوفنا نتحمّله
ده اللي بنا موت عيشنا بنجمّله
وآن خلاص أوان اللي بنأجّله
بعدنا كلمة ده وقتها
كان بنا وانتهى سكّة وقفلتها
وأنا اكتفيت
لو جاي تبيع شوفلك غيري
مابقتش مشتري كتّر أوي خيري
ياما اشتريت
مش لاقي ليك ماضي يتشكّر
ولا حاجة تتذكّر لو جايلي تفتكّر
فأنت اتنسيت
اغنية حب كان هموم – فريد
Farid – Hob Kan Homom
كلمات: مصطفى ناصر
الحان: تيام علي
توزيع: محمد مجدي
المزيد من أغاني فريد
كلمات اغنية يا رب ترجع – فريد
كلمات اغنية غايب – فريد
كلمات اغنية زمان وجبر – فريد