كلمات اغنية حلمنا يوم غناء ريشا كوستا وسماره ناو، بتحكي عن شابين طالعين من القاع جابوها من تحت ولفوا الدنيا وهما شايلين جروح ما تترقعش بس متمسكين بحلم الشهرة والنجومية، يسندوا بعض في كل وقعة ويفضلوا ماشيين لقدام. النتيجة أمل عنيد بطعم الوجع.
كلمات اغنية حلمنا يوم – ريشا كوستا وسماره ناو
جيبناها من تحت جيبناها
الدنيا دي كعب داير لَفّيناها
معاشوهاش ولا شافو اللي شوفناه
إحنا محدش غيرنا وقف معانا
مش بنام على ريش نعام
متولدناش في قصور ولا حَتّى فيلل
بنحلم أحلام مش نفس المقاس
أكبر بكتير من الواقع اللي إحنا عيشناه
ويا دنيا هاتي كمان هاتي
ضربك حنَيّن مابيوجعش
خبطات سنينك ماتوَقّعش
بنمشي قدام مابنرجعش
عايشين ولِسّه الأمل مالينا
بس الجروح مابتترَقّعش
عايشين بس القلوب في النعش
دا إحنا اشترينا اللي مايتبعش
حلمنا يوم نبقى اتنين نجوم
مع كل وقعة لينا نشِدّ بعض نقوم
اتحاربنا فيها وسمعنا كتير كلام
لاكن جُوّانا حاجة متعرفش الاستسلام
ف ضهر بعض وإيد ف إيد
هنِعَدّي الصعب وهنسَلّك في الحديد
مشوار طويل رَبّك كبير
وهيجي يوم هيقَرّب كل شئ بعيد
يا بختك ياللي تقول يا رَبّ
دا بعد الصبر جبر
وهيجي اليوم ويتحَقّق
كل مستحيل وصعب
عافرت فيها كتير
واخدها شرق غرب
قد أي هَدّة فيكي
هكسب أي حرب
ولا كان ع البال
إننا نشقى ونتعب
نطلع من حال ع حال
وإحنا لِسّه عيال
بس الدنيا محلتناش
وجابتنا ووَدّتنا
خَلّتنا نلِفّ بلاد
نشحت ونقول طبطبة لله
اغنية حلمنا يوم – ريشا كوستا وسماره ناو
Helamna Youm – Richa Costa & Samara Now
كلمات: حسين جمال
الحان: حسين جمال
توزيع: رامي المصري
المزيد من أغاني ريشا كوستا وسماره ناو
يا ناقص لـ ريشا كوستا وسماره ناو
لا يا قلبي – ريشا كوستا وسماره ناو
اخين – ريشا كوستا وسماره ناو
النصيب – ريشا كوستا وسماره ناو
فرحي – كزبرة وريشا كوستا وسماره ناو