كلمات مهرجان اخين لريشا كوستا وسماره ناو بتقدم رسالة قوية عن معنى الأخوة والصداقة الحقيقية بطريقة صادقة وملهمة. الأغنية بتحكي عن العلاقة اللي ما فيش أقوى منها، بين صاحبين زي التؤام، بيحافظوا على بعض في كل الظروف. الكلمات مليانة مشاعر عميقة وبتوضح قيمة الصحبة اللي بتبقى زي الأخوة، اللي تتحمل وتضحي وتبقى سنداً في وقت الحاجة.
كلمات مهرجان اخين لريشا كوستا وسماره ناو
كلّ اللّي راح منّي فدايا أهمّ حاجه صاحبي معايا
فداك يابا الدّنيا بحالها ومعاك يصحبي للنّهايه
في ناس تروح وفي ناس تيجي
وأنت اللّي سالك وباقيلي
كتفك ف كتفي وطول عمرك
صاين زميلك يا زميلي
القاعده لو مفهاش صاحبي
أنا ببقا مش واخد راحتي
هو الوحيد اللّي فاهمني
وتملّي مدّيني مساحتي
في حجات كتير بيني وبينو
ميفهمهاش واحد غيرو
دا تؤام روحي ع الدّوغري
شال عنّي ياما كتر خيرو
يا صحبي يا أوفا واحد ليّا
يا مهوّن الدّنيا عليّا
الاقي فين زيّك تاني
يا أكتر واحد حاسس بيّا
يا أعزّ واحد علي قلبي
علشان بتزعل علي زعلي
أخويا وأكتر من أخويا
ف الحلوه والمرّه دا جمبي
ولمّا كلّو يابا خذلني
ملقتش غير صاحبي يشيلني
يزعل كلّو من أجلي
ولا عمرو مرّه يزعلني
حنيّه الدّنيا ف قلبك
والنّاس بحالها يابا حبايبك
بتشرّف أنّ أنت زميلي
ولا عندي حد ف غلاوتك
يا أجدع واحد شافتو عيني
يا رجوله وسط صحاب صيني
عمرك ما بتشيل يوم منّي
وأنا لو زعلت بتراضيني
اللّي ف جيبك يابا ف جيبي
صحبي وزميلي وحبيبي
قلبك كبير وبتسمعني
و ف وقت وجعي أنت طبيبي
دا أخويا وأزعل علشانو
ولا الف غيرو يملو مكانو
وأجدع منّو ملقتشي
صحبي الرّجوله دي عنوانه
واقف مع الكلّ ب قلبو
والخلق كلّها بتحبّو
سالك وكلّو بيشهدلو
و ف النّزاها مفيش قدّو
أخين و واخدين وضعنا
قلبنا يابا علي بعضنا
اتنين مفيش وسطينا تالت
ولا أيّ حاجه بتهزّنا
هقولك كلمه علي الأبيض
أنا أخويا عمرو ما يتعوّض
من وسط ٧ مليار واحد
نقّيتك يبو قلب أبيض
يصاحبي من يوم مبدأنا
وأنا وأنت يابا علي مبدأنا
اتنين بقلب راجل واحد
ولا عمر حاجه هتفرّقنا
لو الصّحاب أرزاق يسطا
فأنا رزقي الحلو هو أنت
أنت اللّي قلبك علي قالبي
والباقي يزميلي أونطه
تسمع مشاكلي مبتلمّش
سداد يصاحبي مبتقلّش
طول مالخساره يسطي مش أنت
يبقي أنا يا زميلي مخسرتش
بسند عليك أنت يا كتفي
مليش غيرك أنت يبونتي
بحبّك وغلاوه أمّي
وأموت عليك أنا برقبتي
مهرجان اخين – ريشا كوستا وسماره ناو
Akhain – Risha Costa & Samara Now
كلمات: محمود سوسته
توزيع: يوسف اوشا
المزيد من أغاني ريشا كوستا وسماره ناو
كلمات اغنية النصيب – ريشا كوستا وسماره ناو
كلمات مهرجان فرحي – كزبرة وريشا كوستا وسماره ناو
كلمات مهرجان بفكر استفزك – ريشا كوستا وسماره ناو وفليكس
كلمات مهرجان مهلبية – ريشا كوستا وسماره ناو وكزبره وحنجرة