كلمات مهرجان حكاية الأم وبنتها لأبو الشوق بتتكلم عن معاناة الناس البسيطة اللي بتكافح عشان تعيش بالحلال، وسط مجتمع مليان ظلم وغدر. الأغنية بتركز على قصة أم بتشتغل بكل جهد عشان تصرف على عيلتها، وبنتها اللي بتساعدها رغم صغر سنها. كلمات حكاية الأم وبنتها بتعرض مأساة مؤثرة بتحذر من مخاطر الإهمال وتدعو الأهالي لحماية ولادهم.
كلمات مهرجان حكاية الأم وبنتها أبو الشوق
تعبت أوي يازمان من غدر البشر
فيكي الأصيل بيتخان وفيكي القوي سلطان
بتقولو ع المفترى بطل وصاحب الفلوس خطر
وتقولو ع الطيّب تعبان
ياما كلت حقّ ناس يا ابن آدم
وانتا على موتك غفلان
جرالنا إيه هو احنا مين
الاسم بس بنآدمين
مش عاملين حساب للآخرة
مش خايفين من يوم الدّين
خايف من بكرة واللّي فيه
مبقيتش عارف هيجري إيه
كلّ يوم نصحى علي حكاية
وحوار أصعب من اللّي قبليه
حكاية أمّ وبنتها
غلبانة ياعيني علي قدّها
بتدور ع أكل العيش
بتسعى وتجيب رزقها
عايشة حياتها بالحلال
راضية بالقليل مالمال
صابرة ياعيني ظروفها وحشة
ومش زعلانة من ضيق الحال
ممدّيتش إيدها لمخلوق
فرش بسيط وف قلب السّوق
بتصرف ع بيتها وعيالها
وبتقول مسيرها بكره تروق
وبتساعدها بنتها
٨ سنين كان عمرها
بتروح معاها كلّ يوم
وروحها فيها بتحبّها
الأمّ زيّ كلّ يوم
أوّل ماصحيت من النّوم
خدت بنتها ونازلة تسعى
في رمضان وف عزّ الصّوم
الأمّ وصلت ف المكان
اللّي فرشه فيه من زمان
وبنتها فجأة قوام بتعيّط
قالت عايزة تخشّ الحمّام
الأمّ ياعيني سابتها تروح
راحت الجامع وكان مفتوح
دخل عليها شيطان وغول
فضلت تصرخ بصوت منبوح
هتك عرضها في ثواني
مدمن آيس وبيعاني
عمره ٣٨ سنة
وتفكيره ماسوني شيطاني
الطّفلة خرجت لمّاها
غرقانة ياعيني ف دمّها
أصل ديب معدوم ضمير
خد شرفها منها
ظيطة وزحمة وناس كتير
الوضع كان مشهد خطير
وكلّه مذهول مالصّدمة
ومحدّش عنده ولا تفسير
رسالة لكلّ أمّ وأب
خافو علي عيلكم بجدّ
محدّش عارف إيه اللّى هيحصل
استرها بسترك انت يارب
مهرجان حكاية الأم وبنتها – أبو الشوق
Hekayet Al-Om Wa Bentaha – Abou El-Shouq
كلمات: حماقي المكسيكي
توزيع: إسلام كريزي
المزيد من أغاني أبو الشوق
كلمات مهرجان حركلي شفايفك – ابو الشوق
كلمات اغنية سفاح الجيزة ابو الشوق
كلمات مهرجان الفتوة والغلبان ابو الشوق
كلمات مهرجان القاضي والخاينة ابو الشوق
كلمات مهرجان روح الحب ابو الشوق