مهرجان حكاية العاشقين لأبو الشوق بيحكي قصة حب مليانة دراما وخيانة. الكلمات بتوصف رحلة حب انتهت بخيانة وغدر من أقرب الناس، لكن في النهاية بتظهر العدالة. مهرجان حكاية العاشقين فيه مشاعر مختلطة بين الألم والانتقام، وبيوصل رسالة إن الفلوس مش كل حاجة، وإن الحب الحقيقي هو اللي بيعيش.
كلمات مهرجان حكاية العاشقين أبو الشوق
ف حكاية العاشقين داب الغرام مع الهواء
قالوها من زمان إنّ الجراح ملهاش دواء
ويابختو اللّي يلاقي حبيب يكون مخلص وشاري
وأنا جاي أحكي لكم قصّة اتنين ف الحبّ ضاعو سوا
في أوّل مرّة شاف عينها حلف بالله ما هيسبها
حظّه ونصيبو يتقبّلو وبعد الشوق بقى حبيبها
وقوّام هي كمان دابت حبّها ومسكة فيه جامد
وعايشة قصّة ف خيالها تشوفو ف حلم لو نامت
البنت كانت يتيمة الأب والأمّ كمان
سابوها وهيّا لسّه في المدارس والعلام
ومعاها قرشين بتوعها حقّ ليها ورثها
أبوها كان سايبهم ليها ف البنك زمان
وفي يوم رايحة لحبيبها وواخدة معاها صاحبتها فيبداء قلبو يتحرّك
ومفكّرش في كسرتها بقى يسهر فيها بيفكّر وحاله في ثانية ده اتغيّر
حبيبتو ملاحظة تغيّرو بيردّ عليها متأخّر
البنت أوّل ماعرفت فجأة حسّت ب الألم
لكن فات الأوان هيفيد بإيه يعني النّدم
راحت تتطلّب فلوسها كلّ عليها حقّها
أصبح خلاص شيطان حتّى ضميرو ده اتعدم
وخلاص فعلا أهو سبها وي خد كلّ الفلوس منها
ده مفيش ف قلبه حنيّة وهان عليه بإيدو يظلمها
ما قلبه خلاص وشاف غيرها بيحبّ في مين دي صحبتها
وسلّم كلّ حاجة ليها وراح كمان يطلب إيدها
م القهر نامت ليالي ياعيني وهيّا معيّطة
مخطرش أبدا في بالها اللّي حصل بالشكل ده
بيخونها حبيبها أهو مع أقرب حدّ منها
حسّت بالدنيا قاسية عليها جدّا متعبة
وحبيبها خلاص هيتجوّز
صحبتها ومالفلوس يصرف
على مراتو ودلّعها
ويجيب مالغالي ويكلّف
يعدّي سنين وتيجي دايرة
تطلع مراتو آه خاينة
تاخد كلّ الفلوس ليها
ورفضه تعيش معاه ثانية
وفي لحظة مالغضب بيقوم و يخلّص منها
أداها طعنة غشيمة وسبها غرق دمها
وخد صدمة كبيرة عليه في يوم المحكمة
لمّا شاف المحاميّة اللّي هدافع عنها
طلعت هيّا اللّي ظلمها
وكان واخد الفلوس منها
حبيبتو اللّي يامّا دمّرها
بقت دلوقتي محاميّة
وبتاخد حكم إعدامو
ربّك ينصرها قدّامه
كانت فرحانة مرضيّة
ومش زعلانة علشانو
خلصت كلّ الحكاية وأديني حكيتها وقولتها
أوعى تجري ورا الفلوس وسيبك منها
ويابختك لو إنت جنبك ناس حبّاك من قلبها
أوعاك تخسرها يوم أو حتّى تبعد عنها
مهرجان حكاية العاشقين – أبو الشوق
Hekayet Al Ashkeen – Abu El-Shouq
كلمات: حماقي المكسيكي
توزيع: أحمد شيكو
المزيد من أغاني أبو الشوق
كلمات مهرجان حكاية الأم وبنتها – أبو الشوق
كلمات مهرجان حركلي شفايفك – ابو الشوق
كلمات اغنية سفاح الجيزة – ابو الشوق
كلمات مهرجان الفتوة والغلبان – ابو الشوق
كلمات مهرجان القاضي والخاينة – ابو الشوق