كلمات مهرجان حالق موليت أداء كريم كرستيانو الغزال بيتكلم عن الجدعنة والاختلاف عن الهلس والكارفة. المهرجان فيه كلمات بتأكد إن الجدع بيختار صحابه، واللي مش شبهه ملوش مكان جنبه. الإيقاع سريع، والكلام فيه مواجهة واضحة، كأنه بيقول “أنا ماشي بطريقتي، واللي مش قادر يجاريها، الأفضل يبعد”.
كلمات مهرجان حالق موليت لـ كريم كرستيانو
صاحب صاحب يشبهك
مش واد كارف يشبهك
دوّر ع اللّي يميّزك
مش ع اللّي يصغّر فيك
حالق موليت
چيم ورياضة والصّحة فت
لا بتاع سيجارة ولا كيفي بت
أنا كيفي جدعنتي
يا خصمي إنت أبوك خلفك
عشان تيجيلي وأقرفك
لو جت معاك أكتّفك
وأتاويك في مكان مقطوع
أنا قلت بس أفوّقك
لأحسن الوهم يسرقك
شوف حدّ منّي يلحقك
علشان كده فيها ملطوع
أخصام فشنك
بتسلّى بيها جنب الدّرنك
ده أنا حاسس إنّي بقيت في سيرك
كلّه بيتنطّط
ما أسمعش حسّ
يا أحصنة عرجة ستوب هوس
أنا بدّي ع العين مش بجسّ
ما بحبّش أستعبط
إسمك كارفة في دايرتك
كلّها ياض بتهلفتك
ما تحكّش، مش هصيتك
عمرنا ما نكون أخصام
شوفلك خصم يكون شبهك
علشان مش فاضي لأهلك
لمّا بشوفك بتجاهلك
مش هضرب طفل، حرام
حالق موليت
چيم ورياضة والصّحة فت
لا بتاع سيجارة ولا كيفي بت
أنا كيفي جدعنتي
شيك وأعجبك
بس تعاديني هبهدلك
معوّج وماله، أنا هعدّلك
وهكيّفك وقتي
أنا حاسّك مش على بعضك
حاسس إنّ وجودي تاني خضّك
مش عايزك تمشي لوحدك
لو شفتك هلعب بيك
دبدوب وماشيلي بمطوة
طب جمّد قلبك يا أسطى
هلس ومش حمل الخبطة
وأنا مش هتشكّر فيك
إيه يا مليسة
هتسوق عليّا الهلوسة
رزمن وبطّل محلسة
ما تخلّينيش أهينك
عادي مش حوار
إندبني وأنا في الإنتظار
يا هعوّرك يا أديك عيار
سهلة، إنت ونصيبك
صاحب صاحب يشبهك
مش واد كارف يشبهك
دوّر ع اللّي يميّزك
مش ع اللّي يصغّر فيك
يا إبن النّاس اللّي يبيعك
ما تدوّرش عليه وسيبك
واللّي يصاحبك على عيبك
هيكبّر من معاليك
كوكب نفاق
بس الجدع هو اللّي فاق
ده ما فيش ولاء ولا في إنتماء
كلّ الصّحاب سكّة
تدّي الأمان
هيدوك يابا بالباقي لبان
إوعاك تأمن مهما كان
النّاس دي مش سالكة
صاحي لأخصامي ومصحصح
لو نمت نايم ومفتّح
فايق للّي بيستلوح
وعارف ديتكو معايا
هتشوفني شوفة مش بتاعتي
أنا هكسّر نفسك وقتي
هلفوت مش حمل جراءتي
شايفك في عينيّا نتاية
يا إبني الغزال
ده كريستيانو عمّ المجال
الأوش ده توزيعته إحتلال
الفنّ مين قدّه؟
سوستا الحرّاق
كلماته دي في كلّ الأنحاء
المصري وغزالة أعلى أداء
مع مين هتتحدّوا؟
مهرجان حالق موليت – كريم كرستيانو
Haleq Mouleet – karim Cristiano
كلمات: محمود سوستا
توزيع: يوسف اوشا
المزيد من أغاني كريم كرستيانو
اغنية شارع الحياه مش هو هو كريم كرستيانو